చాక్లెట్స్ తింటే.. ఆయుష్షు పెరుగుతుందట!

Posted: 04/01/2015 04:16 PM IST

సాధారణంగా చాక్లెట్స్ అంటే ప్రతిఒక్కరికీ ఇష్టమే! చిన్నపిల్లల నుంచి పెద్దలవరకు వీటిని ఎంతో ఇష్టంగా తింటారు. ఇలా తినడం చాలా మంచిదేనని అంటున్నారు వైద్యనిపుణులు! అలాగని మోతాదుకు మించి తింటే ఆరోగ్య సమస్యల్ని ఎదుర్కోవాల్సి వస్తుందని.. కాటట్టి తక్కువ మోతాదులో మాత్రమే వీటిని తినాలని సలహాలు ఇస్తున్నారు. అయితే షుగర్ వ్యాధితో బాధపడుతున్నవారు మాత్రం చాక్లెట్లను తీసుకోకూడదని వారు సలహా ఇస్తున్నారు.

ఇటీవలే వైద్యులు నిర్వహించిన పరిశోధనల్లో భాగంగా చాక్లెట్లు తింటే.. ఆయుష్షు పెరుగుతుందని తేలింది. ఇది వినడానికి కాని ఆశ్చర్యంగానూ, విచిత్రంగానూ వున్నప్పటికీ.. ఇది మాత్రం నిజమేనని నిపుణులు బల్లగుద్దిమరీ చెబుతున్నారు. నెలకు కనీసం మూడు సార్లు చాక్లెట్‌ను తింటే జీవితంలో మూడు సంవత్సరాల ఆయుష్షు పెరుగుతుందని పరిశోధనలో తేలింది. అలాగే చాక్లెట్‌లను తింటే ఇది శరీరంలో హెచ్‌డీఎల్ శాతాన్ని పెంచేందుకు దోహదపడుతుందని పరిశోధకులు వివరించారు. ఇది ఒకలాంటి కొలెస్ట్రాల్. ఇది ఆర్ట్రీజ్‌లో చేరే కొవ్వును దరిచేరనీయదని వైద్యులు తెలిపారు.