కాఫీ ఆరోగ్యానికి మంచిదా..? కాదా..?

Posted: 03/10/2015 04:17 PM IST

కాఫీ తాగడానికి ఇష్టపడనివారు ఎవరూ వుండరు. ఉదయం లేచినప్పుడు ఓసారి, తిరిగి సాయంత్రం మళ్లీ ఇంకోసారి కాఫీ తాగే అలవాటు ప్రతిఒక్కరికి వుంటుంది. ఇలా కాఫీ తాగడం వల్ల కాస్త పని ఒత్తిడి తగ్గుతుందని, మైండ్ ఫ్రెష్ అవుతుందని భావిస్తూ అంతా తాగుతారు. అయితే.. కొంతమంది కాఫీ ప్రియులు మాత్రం విచ్చలవిడిగా తాగుతుంటారు. రోజుకు కనీసం 5 నుంచి 8 గ్లాసుల కాఫీ తాగుతారు. ఇలా తాగడం వల్ల కొన్ని అనారోగ్య సమస్యల్ని ఎదుర్కోవాల్సి వస్తుంది. కాఫీ కంటెంట్ అధికమైతే శరీరంలో కొన్ని ఇబ్బందులను ఎదుర్కోవలసి వస్తుందని నిపుణులు అంటున్నారు. ఇంతకీ.. కాఫీ తాగడం ఆరోగ్యానికి మంచిదేనా..? కాదా..? అన్నది మాత్రం చాలామందికి తెలియదు. ఆ విషయాలు తెలుసుకుందాం...

సాధారణంగా కాఫీ లేదా బ్లాక్ కాఫీ రెండు రకాలుగా వుంటాయి. ఇవి ఒక్కొక్కటి ఒక్కొక్కరకంగా పనిచేస్తాయి. బరువు తగ్గాలనుకునేవాళ్లు రెగ్యులర్ గా పాలు, చక్కెరతో తయారు చేసే కాఫీకి బదులుగా తక్కువ కేలరీలు కలిగిన బ్లాక్ కాఫీ తీసుకుంటే ఎంతో శ్రేయస్కరం. ఎందుకంటే.. ఒక కప్ బ్లాక్ కాఫీలో కేవలం 4.7 కేలరీలు ఉన్నాయి. అదే రెగ్యులర్ కాఫీలో అయితే ఏకంగా 56.6 కేలరీలు ఉంటాయి. అంటే.. దీనిని ఎక్కువగా తాగితే శరీర బరువు బాగా పెరిగిపోతుందన్నమాట! కాబట్టి.. బ్లాక్ కాఫీ తీసుకోవడమే ఎంతో మంచిది. అలాగే.. సాయంత్రం వేళల్లో నిద్ర సమస్యలతో బాధపడేవారు సాధారణ కాఫీ అంతగా తీసుకోకపోవడమే మంచిదని న్యూట్రీషన్లు అంటున్నారు.

అయితే.. కొందరు నిద్రపోకుండా వుండేందుకు కాఫీ తాగుతుంటారు. అప్పుడు సాధారణ కాఫీ కాకుండా బ్లాక్ కాఫీ తాగితే మంచిది. ఇది నిద్రను పోగొట్టడంతోపాటు ఎటువంటి ఆరోగ్య సమస్యల్ని కలిగించదు. కానీ.. ఎసిడిటి వున్నవాళ్లు మాత్రం బ్లాక్ కాఫీ తీసుకోవద్దని ఆరోగ్య నిపుణులు అంటున్నారు. ఈ కాఫీతో మరిన్ని ఉపయోగాలు, ఇతర వివరాలు తెలుసుకోవాలంటే.. దగ్గరలో వున్న వైద్యుల దగ్గర సలహాలు తీసుకోవడం చాలా మంచిది.