హెల్తీ హార్ట్ కోసం ఆరోగ్య చిట్కాలు...

Posted: 02/25/2015 04:59 PM IST

ప్రస్తుత ఫాస్ట్ జనరేషన్ లో పనిఒత్తిడి ఎక్కువగా పెరిగిపోవడంతో మానసికంగా ఎన్నో ఇబ్బందులను ఎదుర్కోవలసి వస్తుంది. పైగా.. ఆఫీసుల్లో నిత్యం కూర్చుని వుండటం, వ్యాయామం చేసేంత సమయం దొరకకపోవడంతోపాటు మారిన జీవన విధానానికి మూలంగా గుండె సంబంధిత వ్యాధుల బారినపడాల్సి వస్తోంది. అలాగే.. ఆరోగ్యకరమైన ఆహారపదార్థాలను తీసుకోకపోవడం శరీరంలో కొవ్వుశాతం ఎక్కువగా పెరుగుతుంది. తద్వారా ఇది రక్తనాళాల్లో ఎక్కువగా పేరుకుపోయి, రక్తప్రసరణను అడ్డుకుంటుంది. దీంతో హార్ట్ ఎటాక్ సంభవించే ప్రమాదముంది. ఒక్కసారి గుండెజబ్బులు వస్తే.. తర్వాత విముక్తి చెందడం సాధ్యపడదు. కాబట్టి.. ఆ జబ్బులు రాకముందే కొన్ని జాగ్రత్తలు పాటిస్తే.. ఆరోగ్యకరమైన హార్ట్ ను పొందవచ్చు. మరి.. అవేమిటో తెలుసుకుందామా..

* ప్రతిరోజూ ఆరోగ్యకరమైన పండ్లు, శరీరానికి పోషకాలు అందించే కూరగాయలు, ఆహారపదార్థాలు తీసుకోవాలి.
* ముఖ్యంగా ఆహారాపదార్థాల్లో ఉప్పు శాతం తక్కువగా వుండేలా జాగ్రత్త వహించాలి.
* ఉదయాన్నే లేవగానే కొద్దిసేపు (కుదిరితే 45 నిముషాలు) వాకింగ్ చేస్తే గుండెకు మంచిది.
* ఆఫీసుల్లోకానీ, అపార్ట్ మెంటుల్లోగానీ లిఫ్ట్ వాడకాన్ని తగ్గించి, మెట్ల ద్వారా వెళ్లేందుకు ప్రయత్నిస్తే మంచిది.
* కొవ్వు పదార్థాలు లేని ఆహారాలు తీసుకునేలా జాగ్రత్త పాటించండి.
* ఎప్పటికప్పుడు కొలెస్ట్రాల్ పరీక్షలు, బ్లడ్ షుగర్, బీపీని చెక్ చేయించుకుంటే మంచిది.
* శరీర బరువును నియంత్రణలో వుంచుకోవాలి. ఎలాబడితేఅలా, ఏదిదొరికితేఅది తనకుండా వుండాలి.
* సాయంత్రంవేళ ఓ గంటపాటు వ్యాయామం చేస్తే ఆరోగ్యానికి ఎంతో మంచిది.
ఈ చిట్కాలు పాటిస్తే గుండెను పదిలం చేసుకోవచ్చునని ఆరోగ్య నిపుణులు అంటున్నారు.a