వీరిద్దరికి ఇదే చివరి టోర్నీ

Posted: 10/17/2013 07:11 PM IST

T20 champions league mumbai indians vs rajasthan

పొట్టి క్రికెట్ సంగ్రామానికి సర్వం సిద్ధమైంది. ఈరోజు నుండి చాంపియన్స్ లీగ్‌లో అసలు సిసలైన సమరానికి తెరలేవనుంది. ముంబై ఇండియన్స్ - రాజస్థాన్ రాయల్స్ మధ్య పోరుతో మొదలయ్యే ఈ మెగా టోర్నీ వచ్చేనెల 6న జరిగే ఫైనల్‌తో ముగుస్తుంది. ఈ టోర్నీకి ఓ విశేషం కూడా ఉంది. ఈ టోర్నీ తరువాత క్రికెట్ దిగ్గజం, మాస్టర్ బ్లాస్టర్ సచిన్ టెండూల్కర్ పొట్టి క్రికెట్ ఫార్మాట్ కి గుడ్ బై చెప్పనున్నాడు. దీంతో ఈ మ్యాచ్ ల పై సర్వత్రా ఆసక్తి నెలకొంది. ఇప్పటికే వన్డే క్రికెట్‌కు గుడ్‌బై చెప్పిన ఈయన ఇక పై టెస్టుల్లో మాత్రమే కొనసాగనున్నాడు. ఐపీఎల్‌లాగే ఈ టోర్నీని కూడా నెగ్గి ఈ దిగ్గజ క్రికెటర్‌కు మరో కానుక ఇవ్వాలని ముంబై ఇండియన్స్ పట్టుదలగా ఉంది. మరో వైపు రాహుల్ ద్రవిడ్ కూడా చివరిసారిగా క్రికెట్ మైదానంలో దిగనున్నాడు. తొలి పోరులో రాజస్థాన్ రాయల్స్ తమ సొంతగడ్డపై ఐపీఎల్ చాంపియన్ టోర్నీకి గ్రాండ్ వెల్ కమ్ చెప్పాలని రాయల్స్ పట్టుదలో ఉంది.