‘వన్డే ప్రపంచకప్ లో కోహ్లీకి ధోని అవసరం’

Posted: 10/31/2018 05:01 PM IST

టీమిండియా మాజీ సారధి మహేంద్రసింగ్ ధోనిని వచ్చే ఏడాది రానున్న వన్డే ప్రపంచకప్ వరకు కొనసాగించాల్సిన అవసరముందని మాజీ కెప్టెన్ సునీల్ గవాస్కర్ అన్నారు. ఆయనను జట్టులో ఎలాంటి తొలగింపులు లేకుండా కొనసాగించాల్సిన అవసరం ఎంతైనా వుందని అన్నారు. వచ్చే ఏడాది జరగనున్న వన్డే ప్రపంచకప్ లో టీమిండియా కెప్టెన్‌ విరాట్‌ కోహ్లికి ధోని అండ చాలా అవసరమని గవాస్కర్‌ అభిప్రాయపడ్డాడు. ఈ విషయంలో ఎలాంటి సందేహం అవసరం లేదని కూడా స్పష్టం చేశారు.

వన్డే మ్యాచులో 50 ఓవర్ల ఆట జరుగుతుందని వీటిలో సమయం చాలా ఉంటుందని అన్నారు. అలాంటపుడు ధోని లాంటి అనుభవజ్ఞుడి అవసరం ఎంతైనా ఉంటుందని అన్నాడు. చిన్న చిన్న ఫీల్డింగ్‌ సర్దుబాట్లు చేయడం, బౌలర్లతో మాట్లాడటం, ఎక్కడ ఎలా బంతులు వేయాలో చెప్పడం.. ఇలాంటివన్నీ అతను చేస్తాడు. అవి కోహ్లికి ఎంతగానో ఉపయోగపడతాయని సన్నీ అన్నాడు. ధోని మునుపటిలా బ్యాటింగ్లో రాణించలేకపోతుండటంతో అతడి రిటైర్మెంట్‌ కోసం డిమాండ్లు వినిపిస్తున్న నేపథ్యంలో సన్నీ ఈ వ్యాఖ్యలు చేశాడు.