విరాట్ వల్లే దోనిలో ఆటలో ఛేంజ్: మాజీ కెప్టెన్

Posted: 09/19/2017 05:07 PM IST

టీమిండియా కెప్టెన్ విరాట్ కోహ్లీకి భారత మాజీ కెప్టెన్ మహేంద్ర సింగ్ ధోనికి వున్న విశ్వాసమే అతనిలో పరివర్తనను తీసుకువచ్చి.. మళ్లీ ఉత్తమంగా అడేందుకు దోహదం చేసిందని పశ్చిమ బెంగాల్ క్రికెట్ అసోసియేషన్ అధ్యక్షుడు సౌరవ్ గంగూలీ వ్యాఖ్యానించారు. మహేంద్ర సింగ్ ధోని ఆటలో వచ్చిన తాజా పరివర్తనకు కెప్టెన్ విరాట్ కోహ్లినే కారణమని అయన అన్నారు. సాధారణంగా సుదీర్ఘ కాలంగా క్రికెట్ ఆడుతున్న ధోనికి బెస్ట్ మ్యాచ్ ఫినిషర్ గా అందరికీ తెలిసిందేనని అన్నారు.

300లకు పైగా వన్డే మ్యాచులను అడిన అనుభవజ్ఞడైన ధోని ఇప్పటికే 9వేలకు పైగా పరుగులను సాధించాడని, అతనికి పరుగులు ఎలా సాధించాలో ఎవరూ చెప్పాల్సిన  అవసరం లేదని అయినా.. పరుగులు సాధించే క్రమంలో తీవ్ర ఒత్తిడికి గురై.. ఇబ్బందిపడిన ధోని మళ్లీ పుంజుకుని అటలో తనదైన శైలిలో రాణించడానికి మాత్రం విరాట్ కోహ్లీన కారణమని అన్నాడు. ధోనిపై కోహ్లికి విపరీతమైన నమ్మకం ఉందన్నారు.  దీని కారణంగానే ధోనిలో నూతన ఆటగాడ్ని చూస్తున్నామని గంగూలీ అభిప్రాయపడ్డారు.

ధోని  నుంచి ఇంకా మ్యాచ్ ఫినిషింగ్ ఇన్నింగ్స్ రావడానికి కారణం కచ్చితంగా కెప్టెన్ కోహ్లినేనన్నాడు. ఈ క్రెడిట్ మాత్రం కోహ్లికే ఇవ్వాలన్నాడు. ధోనికి స్వేచ్ఛగా ఆడే వాతావరణాన్ని కోహ్లి కల్పించాడని అన్నాడు. ధోనిలో ఆటలో మరింత పరివర్తన రావడానికి కోహ్లిది కీలక బాధ్యతగా చెప్పొచ్చునని గంగూలీ అభిప్రాయపడ్డారు. శ్రీలంకతో జరిగిన పరిమిత ఓవర్ల సిరీస్ ను క్లీన్ స్వీప్ చేయడంలో, అసిస్ తో తొలి వన్డేలో ముఖ్య భూమిక పోషించిన ధోని అటను అయన అభినందించారు.