మిస్టర్ హెలికాప్టర్ కు శుభాకాంక్షల వెల్లువ

Posted: 07/07/2017 06:05 PM IST

భారత క్రికెట్‌ జట్టు మాజీ సారథి మహేంద్ర సింగ్‌ ధోనీపై నెట్ జనులు శుభాకాంక్షలను వెదజల్లుతున్నారు. వెస్టిండీస్ పర్యటనలో వున్న ధోని ఇవాళ డబుల్‌ ధమాకా సంబరాలు జరుపుకొంటున్నాడు. విండీస్‌పై ఐదు వన్డేల సిరీస్‌ని 3-1 తేడాతో గెలుచుకున్న కోహ్లీ సేనలో సభ్యుడు ధోనీ. సిరీస్‌ సొంతం చేసుకున్న ఆనందంలో జట్టు సభ్యులతో కలసి మునిగితేలుతున్నాడు. ఇక దీనికి తోడు ఈ రోజు ధోనీ 36వ పుట్టిన రోజు కూడా తోడవ్వడంతో ఆటగాళ్లు పూర్తిగా సంబరాల్లో మునిగిపోయారు. సోషల్ మీడియాలో మాజీ, ప్రస్తుత క్రికెటర్లు, అభిమానులు ధోనీకి పుట్టిన రోజు శుభాకాంక్షలు తెలిపారు. ఈ సందర్భంగా పలువురు క్రికెటర్లు ధోనీతో కలిసి ఉన్న ఫొటోలను అభిమానులతో పంచుకున్నారు.

* ‘మిస్టర్‌ హెలికాప్టర్‌ ధోనీ మరిన్ని పుట్టిన రోజుల జరుపుకోవాలని కోరుకుంటున్నా. గ్రేట్‌ డే బడ్డీ. నీ కోసం కేకు ఎదురుచూస్తోంది’: యువరాజ్‌ సింగ్‌

* ‘భారత అభిమానులకు మధురానుభూతులను అందించిన వారి ఆనందానికి కారణమైన ధోనీకి పుట్టిన రోజు శుభాకాంక్షలు. హెలికాప్టర్‌ షాట్లతో అదరగొడుతూ మన గుండెల్లో నిలవాలి’: వీరేంద్ర సెహ్వాగ్‌

* ‘దిగ్గజ ఆటగాడు ధోనీకి పుట్టిన రోజు శుభాకాంక్షలు. నువ్వు సాధించిన విజయాలకు అభినందనలు. భవిష్యత్తుకు ఆల్‌ ద బెస్ట్‌’: మహ్మద్‌ కైఫ్‌

* ‘హ్యాపీ బర్తడే ధోనీ. గ్రేట్‌ డే. ఫ్యాబులస్‌ ఇయర్‌’ : వీవీఎస్‌ లక్ష్మణ్‌

* ధోనీకి పుట్టిన రోజు శుభాకాంక్షలు. ధోనీ కోసం కేకు సిద్ధం చేశాం’: హార్దిక్‌ పాండ్య

* ‘ హ్యాపీ బర్తడే ధోనీ. సిక్సర్‌తో 2011 ప్రపంచ కప్‌ను భారత్‌కు అందించాడు’: ఐసీసీ

* ‘ హ్యాపీ బర్తడే ధోనీ’: బీసీసీఐ

* ధోనీ పుట్టిన రోజును ‘ప్రపంచ హెలికాప్టర్‌ డే’గా పేర్కొన్న చెన్నై సూపర్‌ కింగ్స్‌ అతనికి ప్రత్యేకంగా శుభాకాంక్షలు తెలిపింది.

భారత జట్టుకు ధోనీ అందించిన విజయాలను గుర్తు చేస్తూ బీసీసీఐ ఒక వీడియోను ప్రత్యేకంగా రూపొందించింది.