నెట్టింట్లో మాజీ కెప్టెన్ కూతరి ఫోటోలు వైరల్

Posted: 05/25/2017 03:57 PM IST

టీమిండియా మాజీ కెప్టెన్ కూతురి ఫోటోలు నెట్టింట్లో వైరల్ గా మారాయి. పదహారాణాల పడుచుపిల్ల.. భారత సంప్రదాయమైన గులాబీ వర్ణం చీరలో అలా ఫోటోషూట్ లోకి వచ్చి ఫోటోలకు ఫోజులిస్తుంటే.. అవి కాస్తా సోషల్ మీడియాలోకి వచ్చి రాగానే వైరల్ అయ్యాయి. గతంలో చాలా మంది సెలబ్రిటీ కిడ్స్‌ సోషల్‌ మీడియాలో దుమారం రేపడం ఒక ఎత్తు.. గంగూలీ కూతురు ఒక ఎత్తు.. సనా అమ్మా.. సనా ఇక్కడ అన్నట్లుగా వారికి పూర్తి భిన్నంగా ఫోటలు వుండటం గమనార్హం. ఇంతకీ ఈ సనా ఎవరి కూతురో తెలుసుకదూ..!

భారత క్రికెట్‌ జట్టు మాజీ కెప్టెన్ సౌరవ్ గంగూలీ గారాల పట్టీ. చిన్నారిగా అప్పుడప్పుడు తండ్రి గంగూలీతో కలిసి ఫొటోలలో కనిపించిన సనా ఇప్పుడు ఏకంగా తండ్రితో కలసి ఓ జువెలరీ బ్రాండ్ వాణిజ్య ప్రకటనలో నటిస్తుంది. అందుకోసం జరిగిన ఫోటో షూట్ లో తండ్రి కన్నా కూతరే అందరినీ అకర్షిస్తుంది. బంగారు అంచు కలిగిన గులాబీవర్ణం చీరను కట్టుకొని ఈ ఫొటోలలో ముగ్ధమోహనంగా సనా దర్శనమిచ్చింది. తండ్రి గంగూలీ, తల్లి డొనా ఈ ఫొటోలను తమ ఫేస్‌బుక్‌ పేజీలలో షేర్‌ చేసుకున్నారు. కెమెరా ముందు ఏ మాత్రం బెరుకులేకుండా కనిపించిన సనా ఈ ఫొటోలలో అద్భుతంగా ఉందని నెటిజన్లు కితాబిస్తున్నారు.