అశ్విన్ స్పిన్ మాయాజాలం.. లంక 183 విక్కెట్లకు అలౌట్

Posted: 08/12/2015 06:42 PM IST

భారత్, శ్రీలంక జట్ల మధ్య బుధవారం గాలె లో ఆరంభమైన తొలి టెస్ట్ మ్యాచ్‌లో భారత్ పక్షాన నిలిచింది. తొలి రోజు అట ముగిసే సమయానికి టీమిండియా జట్టు రెండు వికెట్ల నష్టానికి 128 పరుగులు సాధించింది. టీమిండియా జట్టు ఓపెనర్ లోకేష్ రాహుల్ మూడు పరుగులకే వెనుదిరగగా. అ తరువాత బ్యాటింగ్ కు వచ్చిన రోహిత్ శర్మ కూడా పేలవమైన ఆటతీరుతో కేవలం 7 పరుగులకే వెనుదిరిగాడు. ఆ తరువాత వచ్చిన కెప్టెన్ విరాట్ కోహ్లీతో కలసి స్కోరుబోర్డును ముందుకు పరుగులు పెట్టించి అర్థశతకాన్ని నమోదు చేశాడు శిఖర్ ధావన్ విరాట్ కోహ్లీ కూడా అర్థ శతకానికి ఐదు పరుగుల దూరంలో నిలిచాడు. శ్రీలంక బౌలర్లలో దమ్మిక ప్రసాద్, మాథ్యూస్ లకు చెరో విక్కెట్ లభించింది.

అంతకుముందు టాస్ గెలిచి బ్యాటింగ్ కు దిగిన లంక జట్టు కేవలం 183 పరుగులకే చాపచుట్టేసింది. ఓపెనర్లను భారత పేసర్లు వెనక్కు పంపగా, తన మెరుగైన ఆటతీరుతో రవిచంద్రన్ అశ్విన్ ప్రత్యర్థి బ్యాట్స్ మెన్లను ఊపరి సల్పనీయకుండా చేశారు. ఆతిథ్య జట్టు భారత స్పిన్నర్ అశ్విన్ దెబ్బకు విలవిల్లాడింది. అశ్విన్ అద్భుతంగా రాణించడంతో లంక 183 పరుగులకే ఆలౌట్ అయ్యింది. లంక బ్యాట్స్‌మెన్‌లలో మాథ్యూస్ 64, చండిమాల్ 59 పరుగులతో రాణించి లంక పరువుని కాపాడారు. మిగిలిన వారందరూ తక్కువ పరుగులకే వెనుదిరిగారు. శ్రీలంక ఓపెనర్లు కరుణరత్న(9), కౌశల్ సిల్వ(5) భారత్ పేసర్లు ఇషాంత్, అరోన్‌ దెబ్బకు వెంట వెంటనే వెనుదిరిగారు.

 అనంతరం బ్యాటింగ్‌కు వచ్చిన శ్రీలంక దిగ్గజ క్రికెటర్ సంగర్కర్ కూడా 5 పరుగుల చేసి అశ్విన్ బౌలింగ్‌లో క్యాచ్ ఇచ్చి పెవిలియన్‌కు చేరడంతో లంకకు కష్టాలు ఆరంభమయ్యాయి. ఆ తరువాత వచ్చిన తిరిమన్నె, ముబారక్‌ను కూడా అశ్విన్ తన స్పిన్ మాయాజాలంతో బురిడీ కొట్టించాడు. దీంతో టాప్ ఆర్డర్ బ్యాట్స్‌మెన్ల వికెట్లు కోల్పయిన లంక జట్టును మాథ్యూస్, చండిమాల్ కు ఆదుకున్నారు. శ్రీలంక ఆటగాళ్లు కరుణరత్నే 9, శిల్వ 5, తిరిమన్నే 13, సంగక్కర 5, ముభారక్ డకౌట్ కాగా మథ్యూస్ 64, ఛండీమాల్ 59, ప్రసాద్ డకౌట్, హేరత్ 23, కౌషల్ డకౌట్ కాగా ప్రదీప్ 1 పరుగులతో నాటౌట్‌గా ఉన్నాడు. భారత బౌలర్లు ఇషాంత్ శర్మ1, అశ్వన్ 6, అరోన్1, మిశ్రా 2 వికెట్లు తీసుకున్నారు.

జి మనోహర్