వైవాహిక జీవితాన్ని ఎంజాయ్ చేయలేకనే

Posted: 09/18/2013 11:15 AM IST

ఆస్ట్రేలియా మాజీ స్పిన్నర్ షేన్ వార్న్ గత కొన్ని రోజులుగా వార్తల్లో కనిపించడం లేదు. క్రికెట్ కి గుడ్ బై చెప్పి చక్కగా ఫ్యామిలీ లైఫ్ ను ఎంజాయ్ చేస్తున్నాడని అనుకుంటున్నారా ? గతంలో పలుమార్లు వివాదాల్లో ఇరుక్కొని హైలెట్ అయిన వార్న్ మళ్లీ వార్తల్లోకి ఎక్కాడు. ఈయన తన మొదటి భార్యకు విడాకులు ఇచ్చిన తరువాత బ్రిటన్ ఎలిజబెత్ హ్యారీతో ప్రేమాయణం నడిపి రెండు సంవత్సరాల క్రితం పెళ్లి చేసుకున్న విషయం తెలిసిందే. అయితే ఇప్పుడు వీరిద్దరు తమ బంధాన్ని, సంబంధాలను తెగతెంపులు చేసుకున్నారని అంతర్జాతీయ మీడియా కోడైకూస్తుంది. ఆస్ట్రేలియాలో షేన్ వార్న్.. బ్రిటన్ లో ఎలిజబెత్ హ్యరీలు గడపాల్సి రావడంతో కుటుంబ జీవితాన్ని ఎక్కువ శాతం సోషల్ మీడియా వెబ్ సైట్ ట్విటర్ లోనే పంచుకోవాల్సి వచ్చిందట. దీంతో విసిగి వేసారిన వీరిద్దరు విడిపోవాలని నిర్ణయానికి వచ్చినట్లు రూమర్లు షికారు చేస్తున్నాయి. పెళ్ళి తరువాత వీరి లైంగిక జీవితానికి ప్రొఫెషనల్ లైఫ్ అడ్డు రావడమే కారణం అంటున్నారు. పలుమార్లు వీరిద్దరూ సర్దుకుపోదామని అనుకున్నా.. వీరి మధ్య దూరం పెరగడంతో మూడేళ్ల రిలేషన్ షిప్ కు రెండేళ్ల వివాహబంధానికి తెరపడింది. భారత సంతతికి చెందిన వ్యాపారవేత్త అరుణ్ నాయర్ తో నాలుగేళ్ల వైవాహిక జీవితానికి గుడ్ బై చెప్పాకా 2010లో షేన్ వార్న్ తో డేటింగ్ ప్రారంభించింది. ఆతర్వాత ఓ సంవత్సరం తర్వాత హ్యర్లీని వార్న్ ను పెళ్లాడారు. ఇప్పుడు వార్న్ మరొకర్ని చూసుకోవడం ఖాయం అంటున్నారు ఆయన గురించి తెలిసిన వాళ్ళు.