గంగూలీ ఫైర్ అయ్యాడు

Posted: 06/26/2013 04:22 PM IST

భారత మాజీ క్రికెట్ కెప్టెన్ బెంగాల్ దాదా సౌరవ్ గంగూలీ చిర్రు బుర్రులాడాడు. ఇప్పటి వరకు ఐసీసీ నిర్వహించే అన్ని  రకాల టోర్నీల టైటిళ్ళను ప్రస్తుత కెప్టెన్ ఎం.ధోని నాయకత్వంలో భారత జట్టు సాధించింది. దీంతో భారత జట్టును పలువురు సీనియర్లు ఆకాశానికెత్తడమే కాకుండా, కెప్టెన్ ధోనిని కూడా సౌరవ్ గంగూలీతో పోల్చారు. దీని పై దాదా కాస్త ఫైర్ అయ్యాడు. విభిన్న కాలానికి చెందిన ఇద్దరు వ్యక్తులను పోల్చడం సరికాదని సూచించాడు. కెప్టెన్‌గా ధోని రికార్డు అద్భుతమని కొనియాడాడు. ‘ధోనితో నన్ను ఎందుకు పోల్చుతున్నారో నిజంగా నాకు అర్థం కావడం లేదు. అసలు ఈ పోలికలపై నాకు నమ్మకం లేదు. వేరు వేరు కాలాల్లో ఆడిన ఆటగాళ్లను, కెప్టెన్లను ఒకరినొకరితో పోల్చడం మంచి పద్ధతి కాదు. అప్పటికి ఇప్పటికి పరిస్థితులు వేరు. వాటిని ఎదుర్కొనేందుకు స్పందించిన పద్ధతి వేరుగా ఉంటుంది. ‘మిస్టర్ కూల్‌గా ధోనిని చెప్పుకుంటున్నా అతడి అంతర్గత పరిస్థితి మరోలా ఉంటుంది. కచ్చితంగా లోపల అతడు తీవ్ర ఒత్తిడికి లోనవుతుంటాడని గంగూలీ వ్యాఖ్యానించాడు. ధోనికి మంచి యువ ఆటగాళ్ళు దొరికారని వారి సహాయంతో మంచి విజయాలు సాధించాడని, భవిష్యత్తులో కూడా మరిన్ని విజయాలు సాధించాలని గంగూలీ అన్నాడు.