ఢిల్లీ ఈసారి కూడా డీలా పడింది

Posted: 04/17/2013 01:00 PM IST

ఐపీఎల్ - 6 లీగ్ మ్యాచ్ లో భాగంగా బెంగుళూరు రాయల్ ఛాలంజర్స్ , ఢిల్లీ డేర్ డెవిల్స్ మధ్య జరిగిన ఉత్కంఠ పోరులో బెంగుళూరు విజయం సాధించింది. సూపర్ ఓవర్ ద్వారా ఫలితం తేల్చుకోవాల్సిన పరిస్థితి తెచ్చుకున్న బెంగుళూరు చివరకు గట్టెక్కింది. ఇప్పటి వరకు ఒక్క విజయం సాధించని ఢిల్లీ కి సూపర్ ఓవర్ ద్వారా కూడా విజయం దక్కలేదు. మొదట బ్యాటింగ్ చేసిన ఢిల్లీ 20 ఓవర్లలో 5 వికెట్ల నష్టానికి 152 పరుగులు చేసింది. ఢిల్లీ బ్యాట్స్ మెన్స్ లో సెహ్వాగ్ 25, జయవర్ధనే 28, జాదవ్ 29 పరుగులు చేయగా.. ఓపెనర్ వార్నర్ 15, రొహరెర్ 14 పరుగులు అందించారు.అనంతరం బ్యాటింగ్‌కు దిగిన బెంగళూరును ఆరంభంలోనే దెబ్బతీసిన ఢిల్లీ విజయం వైపు అడుగులు వేసింది. కానీ వీరి ప్రయత్నానికి గండి కొట్టిన కొహ్లీ (65), డివిలియర్స్ (39) చక్కని భాగస్వామ్యాన్ని నమోదు చేసి విజయానికి చేరవకు తెచ్చారు. అయితే చివర్లో విజృంభించిన ఢిల్లీ బౌలర్లు ఉమేష్ యాదవ్, నదీమ్‌లు బెంగళూరు మిడిలార్డర్‌ను కుప్పకూల్చారు. ఆఖరు వరకు పట్టు వదలని ఛాలెంజర్స్ నిర్ణీత 20 ఓవర్లకు 152 పరుగులు చేసి స్కోరు సమం చేసింది. దీంతో సూపర్ ఓవర్‌తో ఫలితం తేల్చాల్సివచ్చింది. దీంతో బెంగుళూరు పాయింట్ల పట్టికలో అగ్ర స్థానంలో నిలిచింది