పరాజయంలో హ్యాట్రిక్ దాటిన డేరడెవిల్స్?

Posted: 04/13/2013 03:12 PM IST

డేరడెవిల్స్‌ పరాజయాల పరంపర కొనసాగుతోంది. ఇప్పటికే హాట్రిక్‌ ఓటమిని సైతం మూటగట్టుకున్న డెవిల్స్‌ ఇప్పుడు ఆ రికార్డును కూడా దటేసి వరకు నాలుగు పరాజయాలతో ఈ సీజన్‌లో ఇంకా ఖాతా తెరువని ఏకైక జట్టుగా కొనసాగుతోంది. కాగా ఆరంభంలో రెండు వరుస విజయాలు నమోదు చేసుకున్న రైజర్స్‌ మూడో మ్యాచ్‌లో బెంగళూరు చేతిలో చతికిల పడ్డప్పటికీ మళ్లీ ఢిల్లీలో ఓ మెరుపు మెరిసి గాడినపడింది. ఆరంభంలో బౌలర్లు రాణించి ఢిల్లీని కట్టడి చేసి 114 పరుగులకే పరిమితం చేయగా.. ఢిల్లీ విరిసిన లక్ష్యాన్ని చేదించేందుకు బరిలోకి దిగిన సన్‌రైజర్స్‌ ఓపెనర్‌ అక్షత్‌ రెడ్డి (1)ని ఆరంభంలోనే కోల్పోయింది. అనంతరం పార్థీవ్‌తో (19)తో కలిసి బ్యాటింగ్‌ కొనసాగించిన సంగక్కార 28 బంతుల్లో 28 పరుగులు చేసి ఆదుకున్నాడు. అతనికి తోడు హైదరాబాదీ బ్యాట్స్‌మన్‌ విహారి కూడా తనవంతుగా 17 పరుగులు చేయడంతో గాడిన పడ్డ రైజర్స్‌ను ఢిల్లీ బౌలర్లు దెబ్బ తీశారు. ఈ క్రమంలో క్రీజ్‌లోకి వచ్చిన అశీష్‌రెడ్డి (16), అమిత్‌ మిశ్రా (16) నిలకడగా ఆడి విజయానికి చేరువగా తీసుకొచ్చిన మ్యాచ్‌ని డెల్‌ స్టెయితో కలిసి మిశ్రా పూర్తి చేయడంతో మరో నాలుగు బంతులు మిగిలి ఉండగానే లక్ష్యానికి చేరుకున్న రైజర్స్‌ మూడు వికెట్ల తేడాతో విజయం సాధించింది.