Posted: 09/26/2012 07:42 PM IST

టి-20 ప్రపంచ కప్‌లో టీమిండియా అతికష్టమ్మీద శుభారంభం చేసింది. అదీ పసికూన అఫ్ఘానిస్థాన్‌పై. బుధవారం ఇక్కడ జరిగిన ఈ డే/నైట్ మ్యాచ్‌లో ధోనీసేన 23 పరుగులతో పోరాడిగెలిచింది. 160 పరుగుల లక్ష్యంతో బ రిలోకి దిగిన అఫ్ఘాన్లు 19.3 ఓవర్లలో 136 పరుగులకు ఆలౌటయ్యారు. నబీ 31, సాదిక్ 26, నవ్రోజ్ 22, షాజద్ 18 పరుగులు చేశారు. ఓ దశలో నవ్రోజ్ సేన 52/1.. 75/2 ఇలా విజయం దిశగా దూసుకెళ్లింది. అఫ్ఘాన్లు గెలుస్తారేమో అన్నంతగా విజృంభించారు. ఈ దశలో యువరాజ్ వరుసగా మూడు వికెట్లు పడగొట్టి మ్యాచ్‌ను మలుపుతిప్పాడు. నవ్రోజ్‌ను ఎల్బీగా వెనక్కిపంపిన యువీ ఆనక వరస బంతుల్లో సాదిక్, అస్ఘర్ (6)ను అవుట్ చేశాడు.