Posted: 01/28/2012 08:02 PM IST

భారత్ క్రికెట్ జట్టు సీనియర్ బ్యాట్స్‌మన్ రాహుల్ ద్రావిడ్ రిటైర్మెంట్‌పై వస్తోన్న వార్తల్లో నిజం లేదని స్టాండిన్‌ కెప్టెన్ వీరేంద్ర సెహ్వాగ్ అన్నాడు. అవన్నీ పూర్తిగా అవాస్తవాలని , మీడియా కల్పిత కథనాలుగా అభివర్ణించాడు. అడిలైడ్‌ టెస్ట్ తర్వాత అంతర్జాతీయ క్రికెట్ నుండి ద్రావిడ్ తప్పుకుంటున్నాడంటూ వార్తలు వచ్చాయి. దీనిపై సెహ్వాగ్‌తో పాటు జట్టు మేనేజర్ కూడా వివరణ ఇచ్చారు. అటు ధోనీ కూడా జట్టులో ఎవరూ తొందరపడి నిర్ణయాలు తీసుకునే ఉధ్ధేశంలో లేరని చెప్పాడు. ఈ సిరీస్‌లో మిగిలిన సీనియర్లతో పాటు పూర్తిగా విఫలమైన ద్రావిడ్‌ 4 మ్యాచ్‌లలో 24.25 యావరేజ్‌తో కేవలం 194 పరుగులు మాత్రమే చేశాడు.