మెగా హీరో మధ్య ఎలాంటి గొడవలు లేవా?

Posted: 01/30/2017 11:22 AM IST

మెగా హీరో అన్న ట్యాగ్ లైనే తనని నిలబెట్టింది... ఇది స్టైలిష్ స్టార్ అల్లు అర్జున్ ప్రతీ మీటింగ్, ఈవెంట్ లలో చెప్పే ఒకే ఒక్క మాట. అంతేకాదు 10 ఏళ్ల తర్వాత చిరు వెండితెరపై వస్తున్నాడంటే.. తనయుడు, పైగా నిర్మాత అయిన రాం చరణ్ కంటే బన్నీ యే ఎక్కువ ఎగ్జైట్ కావటం కూడా చూశాం. మరోవైపు తన కంటే చెర్రీ ఎదుగుదలే తనకు ముఖ్యమన్న తీరులో మొదటి నుంచి అల్లువారబ్బాయి బిహేవియర్ ఉండేది. చెర్రీ సినిమాలకు ప్రమోట్ చేయటం దగ్గరి నుంచి అన్ని విషయాలను స్వయంగా దగ్గరుండి మరీ బన్నీయే చూసుకునేవాడు. అయితే సరైనోడు తో ఆ పరిస్థితులు మారాయన్న టాక్ ఒకటి నడుస్తోంది .

ఇండస్ట్రీలో ఏ హీరోకి సాధ్యం కానీ రీతిలో వరుసగా ఫిఫ్టీ ఫ్లస్ సినిమాలు వరుసగా అందిస్తూ వస్తున్నాడు బన్నీ. సరైనోడు తర్వాత ఆ స్టార్ డమ్ అమాంతం పెరిగిపోయింది. దీంతో ఇప్పుడు మెగా హీరో ఇమేజ్ నుంచి బయటపడేందుకు ప్రయత్నాలు ప్రారంభించాడని చెప్పుకుంటున్నారు. గత కొంత కాలంగా పవన్ కళ్యాణ్ పై వ్యాఖ్యలు చేయటం, ఒకనోక దశలో చెర్రీ కంటే ఎక్కువ ఫ్యాన్ ఫాలోయింగ్ సంపాదించేసుకోవటంతోపాటు సొంత పీఆర్ టీం ఏర్పాటు చేసుకోవటం కూడా ఈ వాదనకు బలాన్ని ఇచ్చింది. మరోవైపు ధ్రువ ప్రమోషన్ లో పాల్గొనకపోవటం, పైగా ఖైదీ ప్రీరిలీజ్ వేడుకలో ఎడమొహం పెడ మొహంగా ఉండటంతో ఈ ఇద్దరికీ గత కొంత కాలంగా మాటల్లేవ్ అని కూడా చెప్పుకున్నారు.

ధృవ, ఖైదీ నంబర్ 150 లతో మెగా కాంపౌండ్ లో సందడి నెలకొన్న తరుణంలో తమ్మడు అల్లు శిరీష్ ఆధ్వర్యంలో ఈ సొంత పీఆర్ ఏర్పాటు, పైగా దీని వెనకాల వైఫ్ స్నేహ రెడ్డి హ్యాండ్ కూడా ఉందంటూ వార్తలు పుట్టుకొచ్చాయి. అయితే మెగా ఫ్యామిలీలో ఎలాంటి లుకలుకలు లేవని, తానేప్పుడు వీరవిధేయుడిగానే ఉంటానని బన్నీ సన్నిహితుల వద్ద ప్రస్తావించినట్లు తెలుస్తోంది. అంతేకాదు తన తండ్రి అల్లు అరవింద్ స్వయంగా ధృవను నిర్మించటం, పైగా తాను షూటింగ్ సెట్స్ కి వెళ్లిన విషయాన్ని కూడా ప్రస్తావించాడంట. అంతేకాదు ఖైదీ ప్రమోషన్ల దగ్గరి నుంచి అరవింద్ చెర్రీకి హెల్ప్ చేయటం ఈ పరిణామాలన్నీ చూసి కూడా ఇలాంటి పుకార్లు ఎలా పుట్టిస్తారంటూ ఫైర్ అయినట్లు తెలుస్తోంది. దీంతో చెర్రీకి చెక్ పెట్టేందుకే సొంత పీఆర్ ఏర్పాటు, మెగా హీరోల లుకలుకలు ఉత్త రూమర్లేనని తేలిపోయింది.