ఆమె లైఫ్ కి రియల్ విలన్?

Posted: 08/16/2016 04:06 PM IST

విడాకుల వ్యవహారంతో గత నెలపాటుగా హడావుడిగా చేసిన దర్శకుడు విజయ్ నటి అమలాపాల్ జంట ఎట్టకేలకు ఫ్యామిలీ కోర్టు చెంతకు చేరిన సంగతి తెలిసిందే. ఆమె విడాకుల విషయం ఆరు నెలలు పెండింగ్ లో ఉన్నప్పటికీ ఆ తర్వాత ఆమె పరిస్థితి చాలా కష్టంగా మారబోతుందని తెలుస్తోంది.

విడాకుల తరువాత ఆమె కెరీర్ ప్రశ్నార్థకంగా మారబోతుందని, భవిష్యత్తులో ఆమెకు ఛాన్సులు రావడం కష్టమేననే వార్తలు కోలీవుడ్ లో బలంగా వినిపిస్తున్నాయి. దీనికి కారణం ఆమె మామయ్య అళగప్పన్ అని అంటున్నారు. అమల సినిమాల్లో నటించడం ఇష్టం లేకనే విడాకులు వ్యవహారం తెరపైకి వచ్చిందని ఆయన ప్రెస్ మీట్ పెట్టిన సంగతి తెలిసిందే. విజయ్ ఈ విషయంలో కాస్త వెనక్కి తగ్గిన ఆయన తండ్రి అయిన అళగప్పన్ మాత్రం ససేమిరా అన్నాడంట. దీంతో ముదిరి విడాకుల దాకా చేరిందని, ఈ మేరకు అమల కెరీర్ ముందుకు సాగకుండా ప్రయత్నాలు కూడా ప్రారంభమయ్యాయని కొందరు చెప్పుకుంటున్నారు.

అళగప్పన్ నటుడు మాత్రమే కాదు నిర్మాత కూడా. అక్కడి దర్శక నిర్మాతలతో ఆయనకి బాగా పరిచయాలు వున్నాయట. అందువలన అమలాపాల్ కి అవకాశం ఇస్తే, ఆయనతో శత్రుత్వం కొనితెచ్చుకున్నట్టు అవుతుందని ఇప్పటికే పలువురు ఆలోచనలో ఉన్నారంట. అమలకు ఆఫర్లు ఇచ్చి కోరి కోరి ఆయనతో మనస్పర్థలు తెచ్చుకోవడానికి అక్కడి వాళ్లు సిద్ధంగా లేరని చెప్పుకుంటున్నారు. అందువలన విడాకుల తరువాత అమలాపాల్ కి ఎవరైనా పిలిచి ఛాన్స్ ఇస్తారా? అనే విషయం హాట్ టాపిక్ గా మారింది. అయితే ప్రస్తుతం ఆమె చేతిలో ఉన్న ఆఫర్లు యథాతథంగా ఉండటం, ఆమెకు ఫ్యాన్ ఫాలోయింగ్ ఏ మాత్రం తగ్గకపోవటం, స్టార్ హీరోయిన్లతో ఆమె కెమిస్ట్రీ బాగుండటంతో అంతసీన్ ఉండదని మరికొందరు అంటున్నారు.