పూరీ మల్టీస్టారర్ అడల్ట్ రీమేకా?

Posted: 08/06/2016 05:48 PM IST

ఓ మెంటల్ హీరో, తన వెంటపడే ఓ హీరోయిన్, క్యాజువల్ గా మాట్లాడుకునే డైలాగులు సింపుల్ గా పూరి జగన్నాథ్ తన సినిమాలను చుట్టేస్తుంటాడు. కథ, కంటెంట్ లో డెప్త్ ఏ మాత్రం ఉండకపోయినా కేవలం హీరోయిజం ఆయన సినిమాలకు ఉన్న బలం. అయితే ఇప్పటిదాకా పూరి సొంత కథలతోనే సినిమాలు తెరకెక్కించాడన్నది తెలిసిందే. కానీ, ఫస్ట్ టైం ఓ రీమేక్ పై పూరీ కన్నేసినట్లు చెప్పుకుంటున్నారు.

పూరి జగన్నాథ్ ప్రస్తుతం 'ఇజం' సినిమా చేస్తున్నాడు. ఈ సినిమా తరువాత ఆయన మహేశ్ తో 'జన గణ మన' చేయనున్నాడు. అయితే అందుకు కొంత సమయం ఉండటంతో, ఈలోగా ఆయన ఇద్దరు యంగ్ హీరోలతో ఓ మల్టీ స్టారర్ మూవీని ఫ్లాన్ చేస్తున్నాడని తెలుస్తోంది. ఒక కథానాయకుడిగా నాగశౌర్యను ఎంచుకోగా, రెండవ కథానాయకుడిగా పెళ్లి చూపులతో పిచ్చ పాపులర్ అయిన విజయ్ దేవరకొండను తీసుకోనున్నట్టు చెబుతున్నారు. హీరోయిన్ గా ఎప్పటిలాగే కొత్త అమ్మాయి కనిపించబోతుందట. ఏటోచ్చి కథ విషయంలోనే పెద్ద ట్విస్ట్ ఇవ్వబోతున్నాడేమో అనిపిస్తోంది.

ఇద్దరు అబ్బాయిలు ఒక్క అమ్మాయి కోసం అన్న కథాంశంతో ఈ చిత్రం తెరకెక్కించబోతున్నాడని అంటున్నారు. కథానుసారం హీరోయిన్ ఇద్దరు అబ్బాయిలతో ఘాటుగానే రొమాన్స్ చేయాల్సి ఉంటుందట. కొంపదీసి ఈ యేడాది బాలీవుడ్ లో వచ్చిన ఇష్క్ జునూన్ అనే అడల్ట్ చిత్రం లాగా ఉండదు కదా అని అప్పుడే డిస్కషన్ లు మొదలుపెట్టేసుకుంటున్నారు. ఇప్పటిదాకా అన్ని సొంత కథలతోనే సినిమాలు తీసిన పూరి ఇంతకు దిగజారడనే అనుకోవచ్చు.