పూరీని ఆ విషయంలో నమ్మలేం!

Posted: 07/21/2016 03:46 PM IST

హీరో పక్కా మాస్ ఉంటాడు. ఎక్కువ సినిమాల్లో హీరోయినే అతడి వెంటపడుతుంటుంది. కాస్త మెంటల్ ఉండే ఆ హీరో హీరోయిన్ ను చెడామడా బూతులు తిట్టేస్తుంటాడు. ఏడుస్తూనే హీరోయిన్ అతగాడి వెంటపడిపోతుంటుంది. ఇది దర్శకుడు పూరీ జగన్నాథ్ దాదాపు అన్ని సినిమాల్లో చేసే మ్యాజికే. కానీ, ఇప్పుడు ఆ ఫిలాసఫీకి ఇజం ఫుల్ స్టాప్ పెట్టబోతుందట.

కళ్యాణ్ రామ్ హీరోగా తెరకెక్కుతున్న ఇజంలో వల్గారిటీ అనేది అస్సలు లేకుండా చూసుకుంటున్నారంట. అసలు ఆ షరతు మీదే ఈ చిత్రాన్ని నిర్మించేందుకు కళ్యాణ్ రామ్ ముందుకు వచ్చాడని తెలుస్తోంది. కేవలం యాక్షన్ అండ్ రొమాంటిక్ డ్రామాగా తెరకెక్కిన ఈ చిత్రంలో ఎలాంటి అభ్యంతరకర డైలాగులు, సీన్లు లేకుండా జాగ్రత్తపడ్డారంట. ఒకవేళ అదే నిజమయితే నిజంగా వండరే. ఇందులో అసలు మ్యాటరేంటో తెలియాలంటే సెన్సార్ రిపోర్ట్ వచ్చేదాకా ఆగాల్సిందే.

కళ్యాణ్ రామ్ ఈ సినిమాలో బాలకృష్ణ అనే రిపోర్టర్ పాత్రలో నటిస్తుండగా, మాజీ సుందరి అతిథి ఆర్య హీరోయిన్ గా నటిస్తోంది. అన్నట్లు జగపతిబాబు కూడా ఓ కీలకపాత్రలో మెరవబోతున్నాడని సమాచారం. ఎన్టీఆర్ ఆర్ట్స్ బ్యానర్ పై కళ్యాణ్ రామ్ నిర్మిస్తున్న ఈ చిత్రం సెప్టెంబర్ 29న విడుదలయ్యే అవకాశం ఉంది.    

-భాస్కర్