లైలా భామను వెనక్కి నెట్టి...

Posted: 07/06/2016 11:35 AM IST

హిట్ సెంటిమెంట్ ఫార్ములాను దర్శకులు ఎక్కువగా ఫాలో అయిపోతుంటారు. ఆ కాంబోలో నటించిన నటీనటుల దగ్గరి నుంచి టెక్నిషియన్స్ దాకా తిరిగి వారిపైనే ఆసక్తి చూపటం సాధారణంగా జరిగేదే. ప్రస్తుతం అందాల నటి శ్రుతిహాసన్ విషయంలో అదే జరగబోతుంది.

స్టైలిష్ స్టార్ అల్లు అర్జున్, హరీష్ శంకర్ కాంబోలో త్వరలో ఓ చిత్రం రూపుదిద్దుకోనున్న విషయం తెలిసిందే. ఈ చిత్రం కోసం ఇప్పటికే పూజా హెగ్డేను ఓకే చేసినట్లు వార్తలు వచ్చాయి కూడా. అయితే ఇప్పుడు శ్రుతిహాసన్ ను ఆ ప్లేస్ లోకి తీసుకున్నారనే సమాచారం అందుతోంది. హరీశ్ శంకర్ డైరక్షన్లో గబ్బర్ సింగ్ లో శ్రుతి నటించింది, ఇక రేసుగుర్రంలో అల్లు అర్జున్ తో జోడీ కట్టింది. ఈ రెండు బ్లాక్ బస్టర్లే. దీంతో హిట్ సెంటిమెంట్ ను నమ్ముకుని ఈమెను ఎంపిక చేసినట్లు సమాచారం.

శ్రుతిహాసన్ ఈ మధ్య ఏ తెలుగు సినిమాకు అంగీకరించలేదన్న విషయం తెలిసిందే. ఒక్క తండ్రి శభాష్ నాయుడు, ప్రేమమ్ లో గెస్ట్ రోలో తప్ప ఎందులోనూ ఆమె నటించడం లేదు. దీంతో పూజా హెగ్డేను పక్కకు నెట్టి బన్నీకి జోడీగా నటించబోతుందన్న వార్త ఆమె అభిమానుల్లో సంతోషం నింపుతున్నప్పటికీ ఈ విషయం ఇంకా అధికారికంగా ధ్రువీకరించాల్సి ఉంది.