రవితేజ దిల్ రాజు కాంబినేషన్లో ‘ఎవడో ఒకడు’

Posted: 09/11/2015 01:12 PM IST

మాస్ మహారాజా రవితేజ హీరోగా ప్రముఖ నిర్మాత దిల్ రాజు నిర్మాణంలో తాజాగా ఓ చిత్రం తెరకెక్కబోతుంది. ఈ చిత్రానికి ‘ఓ మై ఫ్రెండ్’ ఫేం వేణు శ్రీరామ్ దర్శకత్వం వహించనున్నాడు. ప్రస్తుతం ఈ చిత్ర ప్రీ ప్రొడక్షన్ కార్యక్రమాలు శరవేగంగా జరుగుతున్నాయి.

ఈ చిత్రానికి దిల్ రాజు ‘ఎవడో ఒకడు’ అనే టైటిల్ ను ఖరారు చేసినట్లుగా తెలిసింది. ఇటీవలే ఫిల్మ్ ఛాంబర్ లో ‘ఎవడో ఒకడు’ అనే టైటిల్ ను ఈ ప్రాజెక్టు కోసమే రిజిస్టర్ చేయించినట్లుగా తెలిసింది. త్వరలోనే అధికారికంగా అన్ని వివరాలను ప్రకటించనున్నారు.

ప్రస్తుతం రవితేజ నటిస్తున్న ‘బెంగాల్ టైగర్’ సినిమా షూటింగ్ చివరి దశకు చేరుకుంది. సంపత్ నంది దర్శకత్వంలో తెరకెక్కుతున్న ఈ చిత్రంలో రవితేజ సరసన రాశిఖన్నా, తమన్నాలు హీరోయిన్లుగా నటిస్తున్నారు. త్వరలోనే ఈ చిత్రం ప్రేక్షకుల ముందుకు రానుంది.