శర్వానంద్ కొత్త సినిమా టైటిల్ ఇదేనా?

Posted: 05/08/2015 12:19 PM IST

హీరో శర్వానంద్ ఇటీవలే విడుదలైన ‘రన్ రాజా రన్’ చిత్రంతో మళ్లీ జోరు పెంచేసాడు. శర్వానంద్ నటించిన ‘రన్ రాజా రన్’ మంచి విజయాన్ని అందుకుంది. ఆ తర్వాత నిత్యామీనన్ తో కలిసి నటించిన ‘మళ్లీ మళ్లీ ఇది రాని రోజు’ చిత్రం భారీ విజయం అందుకోవడంతో ప్రస్తుతం హ్యట్రిక్ హిట్ కోసం ఎదురుచూస్తున్నాడు.

సరైన కథలను ఎంపికచేసుకుంటూ వరుస విజయాలను దక్కించుకుంటున్న శర్వానంద్ మరోసారి ఓ విభిన్న చిత్రంలో నటించనున్నాడు. ‘వెంకటాద్రి ఎక్స్ ప్రెస్’ చిత్రంతో భారీ విజయాన్ని అందుకున్న మేర్లపాక గాంధీ దర్శకత్వంలో శర్వానంద్ హీరోగా ఓ చిత్రం తెరకెక్కనున్న విషయం తెలిసిందే. యువి క్రియేషన్స్ బ్యానర్లో రూపొందనున్న ఈ చిత్రానికి తాజాగా ‘ఎక్స్ ప్రెస్ రాజా’ అనే టైటిల్ పెట్టినట్లుగా తెలిసింది.

‘విశాఖ ఎక్స్ ప్రెస్’, ‘రన్ రాజా రన్’ చిత్రాలు అటు శర్వానంద్, యువి క్రియేషన్స్, మేర్లపాక గాంధీలకు హిట్టును అందించాయి కాబట్టి.. ఈ రెండు చిత్రాలను టైటిల్ ను కలిపి ఇలా ‘ఎక్స్ ప్రెస్ రాజా’గా పెట్టారని తెలిసింది. ఈ టైటిల్ కూడా కథకు బాగా సరిపోతుందనే వుద్దేశ్యంతో ఇలా పెట్టినట్లుగా సమాచారం. త్వరలోనే అన్ని వివరాలు అధికారికంగా ప్రకటించనున్నారు.