పవన్ నటించిన పాత్రకు బ్రహ్మానందం ‘పేరడీ’...

Posted: 02/14/2015 10:55 AM IST

Brahmanandam rabbar singh role latest telugu movie director nagendra

పవర్ స్టార్ పవన్ కల్యాణ్ స్టార్ ఇమేజ్ ఎటువంటిదో ప్రత్యేకంగా చెప్పుకోవాల్సిన అవసరం లేదు. ఆయన పేరును తమ మూవీల్లో వాడుకుంటే ప్రచారం బాగా వస్తుందన్న భావనతో.. ఆయన ఫోటోనుగానీ, ఏదైనా ఓ పాత్రకు పేరడీ క్రియేట్ చేసి పెట్టేసుకుంటారు. ఇప్పటికే ఇలా ఎన్నో సినిమాలు వచ్చాయి. తాజాగా రాబోతున్న మరో చిత్రంలో బ్రహ్మీ, పవన్ నటించిన ఓ కీలకమైన పాత్రకు పేరడీగా చేయనున్నాడని టాలీవుడ్ సమాచారం!

నిజానికి.. ప్రస్తుతం వస్తున్న మూవీలన్నింటినీ బ్రహ్మానందం చాలావరకు మోసేస్తున్నాడు. తన కామెడీతోనే చిత్రాన్ని విజయదిశగా తీసుకెళ్తున్నాడు. అందుకే.. స్టార్ హీరోలు సైతం బ్రహ్మీని తమ సినిమాల్లో ఓ పాత్రల్లో నటించాల్సిందిగా రికమెండ్ చేస్తారు. అంతేకాదు.. దర్శకులు సైతం ఆయన కోసమే ప్రత్యేకంగా ఆలోచిస్తూ కొత్త కొత్త క్యారెక్టర్లు సృష్టిస్తుంటారు. అందులో భాగంగానే ఇప్పుడు పవన్ క్యారెక్టర్ ను పోషించేందుకు సిద్ధమయ్యాడు.

నూతన దర్శకుడు నాగేంద్ర దర్శకత్వంలో ఓ చిత్రం రూపొందనుంది. ఇంకా టైటిల్ ఖరారు కానీ ఈ చిత్రంలోనే బ్రహ్మీ ‘రబ్బర్ సింగ్’ అనే పాత్రను పోషించనున్నాడు. ఇది పవన్ కల్యాణ్ పోషించిన ‘గబ్బర్ సింగ్’ పాత్రకు పేరడీ అని యూనిట్ బృందాలు తెలుపుతున్నాయి. ఈ చిత్రం కథ మొత్తం ఆయన చుట్టూ తిరుగుతుందని సభ్యులు తెలుపుతున్నారు. ఈ నెలాఖరులతో ఈ మూవీ షూటింగ్ ప్రారంభిస్తారు. త్వరలో మరిన్ని వివరాలు వెల్లడి కానున్నాయి.