మళ్లీ ఆ హీరోతోనే నయన రొమాన్స్ షురూ...

Posted: 01/23/2015 11:27 AM IST

Nayanatara latest gossips romance tollywood hero balakrishna

గతకొన్నాళ్ల క్రితం ఓ హీరోతో రొమాన్స్ చేసి విడిపోయిన నయనతార.. మళ్లీ అతని చెంతకు చేరిందని ఇండస్ట్రీలో వార్తలు జోరుగా సాగుతున్నాయి. ఆ మధ్య ఓ సినిమాలో భాగంగా కలిసిన వీరిద్దరు.. తమ ఆన్’స్ర్కీన్ కెమిస్ట్రీతోనే ప్రేక్షకులను కట్టిపడేశారు. వారిద్దరూ కలిసి పనిచేసిన ఆ తొలిసినిమాతోనే ‘హిట్ పెయిర్’గా పేరు సాధించారు కూడా! అలా పేరు తెచ్చుకున్న నేపథ్యంలో ఆ జంట మళ్లీ మరో చిత్రంలో నటించింది. ఆ సినిమాలో కూడా ఇద్దరి కెమిస్ట్రీ బాగానే కుదరడంతోబాటు మూవీ భారీ హిట్ సాధించడంతో ఈ జంటకు ప్రశంసల వర్షం కురిసింది. తమ నటనతో ప్రేక్షకులను మెస్మరైజ్ చేయడంతోపాటు ఇద్దరీమధ్యా మంచి కెమెస్ట్రీ కుదరడంతో వారిద్దరూ కలిసి మరిన్ని చిత్రాల్లో నటిస్తారని అంతా అనుకున్నారు. కానీ.. కొన్ని కారణాల వల్ల నయన మళ్లీ ఆ హీరోతో కలిసి పనిచేయలేదు. చాలాకాలం అతనితో దూరం పాటించింది. అయితే చివరగా ఎలాగోలా మళ్లీ ఇన్నాళ్లకు అతనితో ఓ మూవీ చేయడానికి అమ్మడు ఒప్పుకుందని సమాచారం! ఇంతకీ ఆ హీరో ఎవరనుకుంటున్నారా..? మరెవరో కాదు నందమూరి బాలకృష్ణ!

బాలయ్య, నయనతార ఇద్దరూ కలిసి ‘సింహా’, ‘శ్రీరామరాజ్యం’ అనే మూవీల్లో నటించిన విషయం తెలిసిందే! ఆ రెండు చిత్రాలు భారీగా హిట్ అవడంతోపాటు వాటిలో వీరిద్దరి కెమిస్ట్రీ బాగానే కుదిరింది. దీంతో వీరి కాంబినేషన్’కి టాలీవుడ్ ‘హిట్ పెయిర్’గా ప్రత్యేక గుర్తింపు లభించింది. అయితే.. ఆ రెండు సినిమాలు చేసిన తర్వాత వీరిద్దరి మళ్లీ కలిసి నటించలేదు. తమిళ చిత్రాలతో ఫుల్ బిజీగా వుండటంతో అమ్మడు టాలీవుడ్’కి కాస్త గ్యాప్ ఇచ్చింది. ఇప్పుడు ఆ మూవీ షూటింగులన్నీ దాదాపు చివరి దశకు చేరుకోవడంతో ఇప్పుడు టాలీవుడ్’వైపు తన దృష్టిని మళ్లించినట్లు కనిపిస్తోంది. దాంతో ఈ అమ్మడు బాలయ్య 99వ చిత్రంలో ఓ కథానాయికగా నటించే అవకాశాన్ని అందుకుందని ఇండస్ట్రీలో వార్తలు జోరుగా సాగుతున్నాయి. ఒకవేళ ఇది నిజమైతే.. గత సినిమాలకంటే ఈ మూవీ వీరిమధ్య కెమిస్ట్రీ ఇంకా బాగా కుదరే అవకాశాలున్నాయని సినీ విశ్లేషకుల అభిప్రాయం!

ఇదిలావుండగా.. ‘లౌక్యం’ ఫేం శ్రీనివాస్ దర్శకత్వంలో బాలయ్య హీరోగా ఓ చిత్రాన్ని రూపొందించేందుకు గతకొన్నిరోజులుగా సన్నాహాలు జరుగుతున్న విషయం తెలిసిందే! ఈ మూవీకి కోన వెంకట్, గోపీ మోహన్ సంయుక్తంగా డైలాగులు రాయనున్నారు. ఇందులో ఇద్దరు హీరోయిన్లు నటిస్తుండగా.. అందులో ఓ కథానాయికగా నయనతార దాదాపు ఫిక్స్ అయినట్లు చెప్పుకుంటున్నారు. ఇక రెండో తార వేటలో యూనిట్ బృందం వుందని టాక్! ఇక ఈ మూవీకి ఎస్.ఎస్.థమన్ సంగీతం అందిస్తున్నాడు. ప్రస్తుతం బాలయ్య నటిస్తున్న ‘లయన్’ చిత్రం షూటింగ్ పూర్తికాగానే.. ఈ తాజా చిత్రం సెట్స్’పైకి వెళ్లనుంది. అయితే.. నయన ఇందులో హీరోయిన్’గా ఫిక్స్ అయినట్లు ఇంకా అధికారికంగా ప్రకటన వెలువడాల్సి వుంది.