‘డబుల్ గేమ్’ ఆడుతున్న రకుల్ ప్రీత్...

Posted: 01/21/2015 04:17 PM IST

Rakul preet singh dual role kick 2 movie raviteja surendar reddy

ఇండస్ట్రీలోకి అరంగేట్రం చేసిన కొన్నాళ్లకే హీరోయిన్’గా తనను తాను నిరూపించుకున్న పంబాబీభామ రకుల్ ప్రీత్.. ఇప్పుడు డబుల్ గేమ్ ఆడుతోందని చెప్పుకుంటున్నారు. నిన్నమొన్నటివరకు చాలా డీసెంట్’గా, పక్కింటి అమ్మాయిలా వ్యవహరించిన ఈ భామ.. కొన్నిరోజుల నుంచి చాలా అల్లరి చేస్తోందని అంటున్నారు. అయితే రకుల్’లో ఈ మార్పు వచ్చింది రియల్ లైఫ్’లో కాదులెండి.. రీల్ లైఫ్’లో! రవితేజ సరసన కిక్-2లో నటిస్తున్న రకుల్.. అతనితోబాటు చాలా చిలిపిపనులు చేస్తూ ‘డబుల్ గేమ్’ ఆడుతూ అందరినీ నవ్విస్తుందని యూనిట్ వర్గాల సమాచారం! అయితే.. ఇక్కడ ‘డబుల్ గేమ్’ అంటే ఏంటనుకుంటున్నారా..? అది తెలియాలంటే మేటర్’లోకి వెళ్లాల్సిందే!

‘కిక్’ మూవీలో దర్శకుడు సురేందర్ రెడ్డి ఏ విధంగా కామెడీ పండించాడో ఆ మూవీ చూసిన వారందరికీ తెలిసిందే! అయితే ఈసారి కామెడీ డోస్’ను మరింతగా పెంచాలనే ఉద్దేశంతో కాస్త మెరుపులు దిద్దున్నట్లు సమాచారం! అందులో భాగంగానే హీరోయిన్’ను రెండు పాత్రల్లో నటింపచేస్తే బాగుంటుందనే నిర్ణయానికి వచ్చినట్లు చెబుతున్నారు. అంటే.. ఇందులో హీరోయిన్’గా ఆఫర్ దక్కించుకున్న రకుల్’కి ఆ రెండు పాత్రల్లో నటించాల్సి వుంటుంది. అందులో ఒకటి పల్లెటూరి అమ్మాయిగానూ, మరొక పాత్రలో సిటీ అమ్మాయిగానూ పోషించనుంది. అయితే.. అది ద్విపాత్రాభినయమా..? లేక ఒకే పాత్రలో రెండు విభిన్న పాత్రల్లో నటించనుందా..? అన్న విషయం మాత్ర కన్ఫర్మ్ అవడం లేదు.

ఈ విధంగా తనకు రెండు పాత్రల్లో నటించే ఆఫర్ రావడంతో రకుల్ ఎగిరి గంతులేస్తోందని యూనిట్ బృందం తెలుపుతోంది. ఎందుకంటే.. ద్విపాత్రాభినయంలో నటించడం ప్రతిఒక్కరు ఇష్టపడతారు. ఇలా నటించడం వల్ల తమ నటనను మెరుగుపర్చుకోవడంతోబాటు ప్రేక్షకులను ఈజీగా ఆకర్షించుకోవచ్చు. అందుకే.. అమ్మడు సంతోషం వ్యక్తం చేస్తోందని అంటున్నారు. కిక్-2 తన కెరీర్లోనే ప్రత్యేకంగా మిగిలిపోతుందని రకుల్ చెబుతోంది కూడా! ప్రస్తుతం పండగచేస్కో, ఎన్టీఆర్ సరసన ఓ సినిమాతోబాటు హిందీలో రెండు సినిమాల్లో నటిస్తూ ఫుల్ బిజీగా వుంది ఈ పంజాబీ భామ!