గోపాలుడికి పూరీ పాట అతికించేశాడట!

Posted: 01/06/2015 04:59 PM IST

నిన్నమొన్నటివరకు చిన్న సినిమాలకే పరిమితమైన మ్యూజిక్ డైరెక్టర్ అనూప్ రూబెన్స్.. ఇప్పుడు భారీ బడ్జెట్’తో కూడిన సినిమాలకు పనిచేస్తూ టాప్ మోస్ట్ సంగీత దర్శకుల లిస్టులోకి చేరిపోయాడు. ప్రస్తుతం ఇతడు ‘‘గోపాల గోపాల’’, ‘‘టెంపర్’’ మూవీలకు తన బాణీలు అందిస్తున్న విషయం తెలిసిందే! ఒకేసారి ఈ రెండు పెద్ద సినిమాలకు వర్క్ చేస్తున్న ఇతను.. ఓ ట్యూన్ వ్యవహారంలో కాస్త బదిలీలు చేసినట్లు వార్తలు వస్తున్నాయి.

పవన్, వెంకటేష్ కలిసి నటిస్తున్న ‘‘గోపాల గోపాల’’ సినిమాకోసం ఈ దర్శకుడు చేసిన ‘‘భాజే బాజే’’ సాంగ్ మంచి హిట్ అయింది. అంతేకాదు.. ఈ పాట విన్న తర్వాత పవన్ కల్యాణ్ అతనిని అభినందించడంతోబాటు తన తదుపరి చిత్రానికి ఆఫర్ ఇచ్చేడు కూడా! ప్రస్తుతం ఎక్కడ చూసినా ఆ పాటే మారుమ్రోగుతోంది. ఈ పాటకు ఇంత అనూహ్యంగా రెస్పాన్స్ రావడంతో అనూప్ కూడా సంతోషంలో వున్నాడు. అయితే.. ఈ పాట విషయంలోనే కాస్త విచిత్రం చోటు చేసుకుంది.

అదేమిటంటే.. మొదట అనూప్ ఈ ‘‘భాజే భాజే’’ పాటను ఎన్టీఆర్ నటిస్తున్న ‘‘టెంపర్’’ సినిమా కోసం చేశాడట! అప్పట్లో అందుకు లిరిక్స్ కూడా రాయించుకున్నాడు. కానీ.. దర్శకుడు పూరీ జగన్నాథ్’కు ఆ పాట నచ్చకపోవడంతో వద్దన్నాడట! ఇక అదే ట్యూన్’ని గోపాల గోపాల యూనిట్’కి వినిపించగా.. వారికి నచ్చడంతో దాన్ని ఓకే చేసేశారు. ఇప్పుడు దాని ఫలితం అందరికి తెలిసిందే!