చిన్నపిల్లాడ్ని చేసి బుట్టలో వేసుకున్నాడు

Posted: 11/19/2014 12:30 PM IST

హీరో రామ్ చరణ్ తేజ్ తదుపరి సినిమాపై చాలా ఊహాగానాలు వచ్చాయి. కోన వెంకట్ డైరెక్షన్ లో సినిమా చేస్తాడని కొందరు, కాదు కన్నడ రీమేక్ చేస్తాడని మరికొందరు అనుకున్నారు. శ్రీనువైట్లతో సినిమా చేస్తాడని మాత్రం ఎవరూ ఊహించలేదు. కానీ ఇప్పుడదే జరిగింది. చెర్రితో సినిమా చేసేందుకు శ్రీను పడిన కష్టం ఫలించింది. వైట్లతో సినిమా చేసేందుకు మెగా హీరో ఒఫ్పుకున్నాడని ఫిలింనగర్ లో గుసగుసలు విన్పిస్తున్నాయి. ‘ఆగడు’ ఫెయిల్యూర్ కారణంగా శ్రీను ప్రాజెక్టును చెర్రీ పక్కనెట్టాడు. అయితే సినిమా ఓకే చేయించుకునేందుకు కామెడి డైరెక్టర్ అనేక విధాలుగా ప్రయత్నించాడు. చివరకు వక్కంతం వంశీతో కథ రాయించుకుని విన్పించాడు. దీంతో వైట్ల కష్టాన్ని, సినిమా చేయాలన్న తాపత్రయం చూసి రామ్ చరణ్ అంగీకరించినట్లు తెలుస్తోంది.

ప్రస్తుతం ఈ కధకు వంశీ తుది మెరుగులు దిద్దుతున్నట్లు తెలుస్తోంది. భారీ బడ్జెట్ తో తెరకెక్కే ఈ సినిమాను డి.వి.వి దానయ్య నిర్మిస్తారని తెలుస్తోంది. బహుశా డిసెంబర్ లో షూటింగ్ మొదలవుతుందని అంటున్నారు. అటు చరణ్ ఓ కన్నడ రీమేక్ సినిమాను కూడా పరిశీలిస్తున్నట్లు తెలుస్తోంది. ‘గోవిందుడు అందరివాడేలే’ తర్వాత చరణ్ ఏ సినిమాకు సైన్ చేయలేదు. కోన వెంకట్, గోపి మోహన్ స్క్రిప్టుకు ఓకే చెప్పాడు. కానీ ఫైనలైజ్ కాలేదు. అదేవిధంగా గౌతమ్ మీనన్ తో సినిమా అనుకుంటే ప్రస్తుతం ఆయన అజిత్ సినిమాతో బిజీగా ఉన్నారు. దీంతో గ్యాప్ ఎందుకని కన్నడ సినిమా ‘బహద్దూర్’ ను రీమేక్ చేయాలని ప్లాన్ చేస్తున్నాడట.

ఈ మద్య కన్నడలో వచ్చిన ‘బహద్దూర్’ సినిమా సూపర్ హిట్ అయింది. ద్రువ్ సర్జా, రాధకా పండిట్ నటించిన ఈ మూవీని చేతన్ కుమార్ డైరెక్ట్ చేశాడు. మాస్ ఎలిమెంట్స్ ఉన్న ఈ మూవీ చూసిన చెర్రీ ఎలాగైనా సినిమా చేసేయాలని డిసైడ్ అయ్యాడట. సినిమా రీమేక్ హక్కులు దక్కించుకునే పనిలో సన్నిహితులు ఉన్నట్లు తెలుస్తోంది. లవ్ కమ్, యాక్షన్ ఎంటర్ టైనర్ గా ఈ సినిమా ఉన్నట్లు తెలుస్తోంది. చరణ్ కెరీర్ మైల్ స్టోన్ ‘మగధీర’కు ఈ మూవీతో కొన్ని చోట్ల సంబంధం ఉన్నట్లు తెలుస్తోంది.

కార్తిక్