డబ్బులు ఎందుకు వద్దన్నాడంటావ్..

Posted: 09/14/2014 04:54 PM IST

అల్లు అర్జున్ మంచితనం గురించి ఆయన సన్నిహితులతో పాటు అభిమానులకు  కూడా తెలుసు. డైరెక్టర్ గుణశేఖర్ కూడా మంచితనం గురించి తెలుసుకుని ముచ్చటపడుతున్నాడు. రుద్రమదేవి సినిమాకు బన్నీ రెమ్యూనరేషన్ వద్దన్నాడట. ఇంతకీ ఈ సినిమాలో బన్ని ఎక్కడ ఉన్నాడంటారా..? గోనగన్నారెడ్డి అనే పాత్రలో అల్లు కన్పిస్తున్నాడు. ఈ పాత్రకు సంబందించి షూటింగ్ కూడా ఇప్పటికే పూర్తయింది. సినిమాలో నటించినందుకు  శేఖర్ టీం అర్జున్ కు రెమ్యూనరేషన్ పంపింది.

అయితే ఈ డబ్బును స్టైలిష్ స్టార్ తిరిగి ఇచ్చేశాడట. తెలుగు చరిత్ర గురించి ఈ సినిమా తీస్తున్నారు కాబట్టి... భాష, సంస్కృతి మీద ఉన్న అభిమానంతో రెమ్యూనరేషన్ వద్దన్నాడట. ఈ విషయం తెలిసిన   గుణశేఖర్ వర్గం సంతోషించిందట. తెలుగు పట్ల ఆయనకున్న అభిమానం చూసి వారంతా పొంగిపోతున్నారు. బన్ని అందిస్తున్న సపోర్ట్ తమకు చాలా తోడ్పడుతుందని రుద్రమదేవి సినీ వర్గాలంటున్నాయి.

టాలీవుడ్ లో అత్యంత భారీ బడ్జెట్ తో  ఈ సినిమా వస్తోంది. ప్రస్తుతం షూటింగ్ పూర్తి చేసుకుని పోస్ట్ ప్రొడక్షన్ పనుల్లో ఉంది. అనుష్క, రాణా ముఖ్య పాత్రల్లో నటించారు. అటు  అల్లు అర్జున్,  నిత్య మీనన్,   కృష్ణం రాజు, ప్రకాష్ రాజ్ వంటి నటులు కూడా క్యారెక్టర్లు వేశారు. ఈ ఏడాది చివరి నెలలో సినిమా విడుదల చేసేందుకు సిద్ధం చేస్తున్నారు. ఇళయ రాజా రుద్రమదేవికి సంగీతం అందిస్తున్నారు.

కార్తిక్