జర్నలిస్టులను అవమానించిన అక్కినేని?

Posted: 05/23/2014 11:29 AM IST

No entry for journalists to akkineni manam movie special show

అక్కినేని నాగార్జున ఏదీ చేసిన డిఫెరెంట్ గా ఉంటుందని టాలీవుడ్ లో అంటుంటారు. కానీ ఆయన తీరు ఇంత ఘోరంగా ఉంటుందని ఈరోజు తెలిసిందని సినిమా పాత్రికేయులు అంటున్నారు. ఒకరకంగా చెప్పలంటే.. నాగార్జున సినిమా జర్నలిస్టులను అవమానించాడని వారు అంటున్నారు. అసలు ఇంతకీ నాగ్ ఏం చేశారో తెలుసా. ‘మనం ’ 23న కలుద్దాం అని ప్రకటన చేసిన విషయం తెలిసిందే. అయితే మీరు మాత్రం రావద్దు అన్నట్లు జర్నలిస్టుల పట్ల నాగ్ ప్రవర్తించాడు.

అక్కినేని మూడుతరాల హీరోలు కలిసి నటించిన మనం ఈరోజు ప్రపంచవ్యాప్తంగా విడుదలౌతోంది. ఇలాంటి అరుదైన చిత్రాన్ని డా. అక్కినేని అభిమానుల కోసం ప్రత్యేకంగా రిలీజ్‌కు ఒక రోజు ముందే షో వేసి వారిని సంతోషపరచాలని నాగార్జున నిర్ణయించారు. సాధారణంగా ఇలాంటి స్పెషల్ షోలకు సినిమా పాత్రికేయుల్ని పిలవడం కూడా ఆనవాయితీ. కాని అభిమానులు, పరిశ్రమవర్గాల కోసం ప్రసాద్ ఐమాక్స్‌లో మరో నాలుగు షోలు ఏర్పాటు చేసిన చిత్రబృందం సహ నిర్మాణ సంస్థ రిలయన్స్ వీటిలో ఏ ఒక్క షోకు పాత్రికేయుల్ని ఆహ్వానించకపోవడం విడ్డూరం అని వినిపిస్తోంది.

సినిమా అటూ ఇటూగా ఉంటే ముందే దుష్ప్రచారం అవుతుందనా లేక సినిమా జర్నలిస్టులపై చులకనా అనే చర్చ జరుగుతోంది. నటసామ్రాట్ అక్కినేని మరణ సమయంలో టీవీల్లో పత్రికల్లో వ్యాసాలు ప్రోగ్రాములతో రోజుల తరబడి ఘననివాళి అర్పించిన పాత్రికేయులకు ఎప్పుడు ఎక్కడకు పిలిచినా వెంటనే కెమెరాలు లైవ్ వ్యాన్‌లతో దిగిపోయే జర్నలిస్టులను ఆ సినిమా బృందం 'మనం' అనుకోవడం లేదా ప్రశ్నలు వస్తున్నాయి. నాగ్ చేసిన పనికి సినీ పెద్దలు సైతం ఆశ్చర్యపోయినట్లు తెలుస్తోంది.