మెగా బ్రదర్స్ ను వాడుకుంటున్న బాబా

Posted: 11/30/2013 07:07 PM IST

టాలీవుడ్ నుండి బాలీవుడ్ వరకు .. ఇప్పుడు అందరి కన్ను మెగా బ్రదర్స్ మీద పడింది. అందరు మెగా బ్రదర్స్ ను బాగా వాడుకుంటున్నారు. టాలీవుడ్ లో యువ హీరోల నుండి.. సీనియర్ హీరోల వరకు.. మెగా హీరోలను వదలంట లేదు. టాలీవుడ్ లో అయితే.. పవర్ స్టార్ పవన్ కళ్యాణ్ నటించిన సినిమాల్లో పాటలను కూడా వదలకుండా.. వాడేసుకుంటున్నారు. సినిమా రంగం అంతా పాపులారిటి పబ్లిసిటి అనే రెండు పదాల చుట్టూ తిరుగుతూ ఉంటుందనే విషయం అందరికి తెలిసిందే. అయితే.. పాపులారిటి కోసం, పబ్లిసిటి కోసం ప్రతి ఒక్కరు పరుగులు తీస్తూనే ఉంటారు. అయితే ఎప్పుడు, ఎక్కడ, ఎవరు, ఎలా ప్రయత్నిస్తారో ఎవరికి అర్థం కాదు. దీనికి ప్రతి ఒక్కరు రకరకాల పద్దతులు కూడా పాటిస్తారు. అలాంటి వారిలో పాప్ సింగర్ బాబా సెహగల్.

మెగా స్టార్ చిరంజీవి నటించిన రిక్షవాడు సినిమాలో రూప్ తేరా మస్తానా, అంటూ అప్పట్లో కుర్రకారును హుర్రుతలూగించిన బాబా సెహగల్. ఇప్పుడు తన పాపులారిటి కోసం కొత్తగా మెగా రూట్ పట్టేరు. గతంలో పవన్ కళ్యాన్ పాపులారిటీని తనకు అనుకూలంగా మార్చుకునేందుకు ‘పనిజం’ సాంగును విడుదల చేసి సక్సెస్ అయిన బాబా సెహగల్ . కొత్తగా మెగా స్టార్ చిరంజీవిపై ఓ పాటను విడుదల చేయబోతున్నారు. ‘ హలో చిరు హలో చిరు హౌ ఆర్ య ’ అంటూ ఒక కొత్త పాటను విడుదల చేయబోతున్నారు.

అయితే ఈ పాటలో చిరంజీవిని ఎంత గొప్పగా వర్ణించబోతున్నట్లు స్పష్టం అవుతంది. అసలే రాష్ట్ర విభజన ఉద్యమాల తరువాత చిరంజీవి ఇమేజ్ బాగా దెబ్బ తింది. అలా దెబ్బ తిన్న ఇమేజ్ ను మళ్లీ పెంచే విధంగా ఈ పాట ఉంటుందని బాబా సెహగల్ చెబుతున్నారు. ఈ బాబా మాటలు మెగా స్టార్ కు ఎంత పాపులారిటి తెచ్చిపెడుతుందో చూద్దాం.