‘విరాట ప‌ర్వం’ విడుద‌ల‌పై క్లారిటీ.. విడుద‌ల ఎప్పుడంటే?

Posted: 05/30/2022 06:51 PM IST

Is rana daggubati s virata parvam finally seeing the light of the day in june

క‌రోనా లాక్ డౌన్ లో వాయిద ప‌డ్డ సినిమాల‌న్ని వ‌రుస పెట్టి విడుద‌ల‌ అవుతున్నాయి. గతేడాది పుష్ప‌, అఖండ‌, శ్యామ్ సింగ‌రాయ్ వంటి సినిమాలు తెలుగు సినీ పరిశ్ర‌మ‌కు ధైర్యాన్ని ఇచ్చాయి. అదే క్ర‌మంలో రాధేశ్యామ్, భీమ్లానాయ‌క్, ఆర్ఆర్ఆర్, కేజీఎఫ్ సినిమాలు విడుద‌ల‌ై సెన్సేషన్ క్రియేట్ చేశాయి. ఇక సర్కారువారి పాట, ఫర్వాలేదని అనిపించినా.. ఆచార్య అంచనాలను అందుకోలేకపోయినా.. అభిమానులను మాత్రం అలరించాయి. ఈ క్రమంలో టాలీవుడ్ లో ప్ర‌తివారం ఓ చిత్రం ప్రేక్ష‌కుల‌ను ఎంట‌ర్టైన్ చేయ‌డానికి సిద్ద‌మ‌య్యాయి. కానీ ఒక్క సినిమా మాత్రం ఇంకా విడుద‌ల తేదీపై క్లారిటి ఇవ్వ‌టం లేదు. ఆ సినిమానే ‘విరాట ప‌ర్వం’.

అయితే ఇప్పుడు ఆ చిత్రం విడుదలపై కూడా క్లారిటీ వచ్చేసింది. రానా ద‌గ్గుబాటి, సాయి ప‌ల్ల‌వి హీరో హీరోయిన్లుగా నీదినాది ఒకేక‌థ ఫేం వేణు ఊడుగుల ద‌ర్శ‌క‌త్వం వ‌హించిన ఈ చిత్రం గ‌తేడాది ఏప్రిల్‌లో విడుద‌ల కావాల్సింది. కానీ క‌రోనా కార‌ణంగా ఈ మూవీని అన్ని చిత్రాల‌తో పాటే వాయిదా వేశారు. మిగితా చిత్రాలు వ‌రుస‌గా విడుద‌ల‌ అవుతుంటే, విరాట ప‌ర్వం మాత్రం ఇంకా విడుద‌ల‌కు నోచుకోలేక‌పోతుంది. దీనికి ముఖ్య కార‌ణం స‌రేష్‌బాబు అంటూ ప్ర‌చారం సాగింది. సురేష్‌బాబు నారప్ప‌, దృశ్యం సినిమాల మాదిరిగానే విరాట ప‌ర్వం చిత్రాన్ని కూడా నేరుగా ఓటీటీలో విడుద‌ల చేయాల‌ని భావిస్తున్న‌ట్లు గ‌తం నుంచి ప్ర‌చారం అవుతుంది.

అయితే ఈ వార్త‌ల‌పై కూడా ఎలాంటి స్పష్టత అధికారికంగా లేకపోయినా.. చిత్రం విడుదలపై సస్పెన్స్ కొనసాగింది. దీంతో చిత్రం వర్గాలు మాత్రం ఈ చిత్రం ఈ ఏడాది ద్వితీయార్థంలో విడుదల అవుతుందని పేర్కోన్నాయి. అయితే ద్వీతీరార్థం కాదు ప్రథమార్థంలో ఈ చిత్రాన్ని విడుదల చేయనున్నట్లు ఇప్పుడు స్పష్టమైన సంకేతాలు వచ్చాయి. తాజాగా ఈ చిత్రానికి సంబంధించిన ఓ వార్త వైర‌ల్ అవుతుంది. విరాటపర్వం చిత్రాన్ని జూన్ 17న వరల్డ్ వైడ్ గా రిలీజ్ చేస్తున్నట్టు చిత్రబృందం ప్రకటించింది. ఈ మేరకు స్పెషల్ వీడియో పంచుకుంది. నక్సలిజం బ్యాక్ గ్రౌండ్ లో వస్తున్న విరాటపర్వం చిత్రానికి వేణు ఉడుగుల దర్శకుడు.