అక్కినేని నాగార్జున ‘బంగార్రాజు’ నుంచి థియట్రికల్ ట్రైలర్ అదుర్స్.!

Posted: 01/11/2022 08:20 PM IST

Bangarraju trailer naga chaitanya and nagarjuna fill the screen with fun filled aura

ఐదేళ్ల క్రితం వచ్చిన సోగ్గాడే చిన్నినాయనా వంటి హిట్‌ చిత్రం తర్వాత హీరో నాగార్జున – దర్శకుడు కల్యాణ్‌ కృష్ణ కాంబినేషన్లో తెరకెక్కుతోన్న చిత్రం ‘బంగార్రాజు’ విడుదలకు శరవేగంగా సన్నాహాలు జరుగుతున్నాయి. సోగ్గాడే చిన్నినాయనా చిత్రానికి సీక్వెల్ గా రూపోందుతున్న ఈ చిత్రంలో నాగచైతన్య మరో హీరోగా నటిస్తున్నారు. నాగార్జునకు జంటగా రమ్యకృష్ణ.. చైకు జోడీగా కృతిశెట్టి సందడి చేయనున్నారు. అనూప్‌ రూబెన్స్‌ సంగీతం అందిస్తున్నాడు. తాజాగా ఈ చిత్రానికి సంబంధించి థియట్రికల్ ట్రైలర్ ని అక్కినేని నాగార్జున విడుదల చేశాడు.

గ్రామీణ నేపథ్యంలో యాక్షన్ కీ .. రొమాన్స్ కి ప్రాధాన్యతనిస్తూ నడిచే కథ ఇది. నాగార్జున సొంత బ్యానర్లో నిర్మితమైన ఈ సినిమా సంక్రాంతి కానుకగా ఈ నెల 14వ తేదీన ఈ సినిమాను విడుదల చేయనున్నారు. ఈ నేపథ్యంలో ఈ సినిమా నుంచి ట్రైలర్ ను వదిలారు. ప్రధాన పాత్రలను కవర్ చేస్తూ .. ఆ పాత్రల కాంబినేషన్లోని ఇంట్రెస్టింగ్ సీన్స్ పై ఈ ట్రైలర్ ను కట్ చేశారు. ఒక వైపున స్వర్గంలో అప్సరసల మధ్య నాగ్ అల్లరి .. మరో వైపున గ్రామీణ నేపథ్యంలో చైతూ సందడి .. మరో వైపున కృతి శెట్టి పాత్ర తాలూకు సన్నివేశాలు ఆకట్టుకుంటున్నాయి.

ఇక 'సోగ్గాడే చిన్నినాయనా' సినిమాలో మాదిరిగానే ఈ సినిమాలో శివాలయం .. పాము నేపథ్యంలోని విజువల్స్ కూడా ఈ ట్రైలర్ లో చోటుచేసుకున్నాయి. రావు రమేశ్ .. వెన్నెల కిశోర్ .. ముఖ్యమైన పాత్రలను పోషించిన ఈ సినిమాలో, యమధర్మరాజు పాత్రలో నాగబాబు కనిపిస్తున్నాడు. ఈ చిత్రం ఐదేళ్ల క్రితం వచ్చిన సోగ్గాడే చిన్నినాయనా రికార్డులను తండ్రి తనయులు నటించిన బంగార్రాజు చిత్రం తిరగరాస్తుందనే నమ్మకంతో చిత్రబృందం ఉంది.