ప్రభాస్ తో పెళ్లిపై క్లారిటీ ఇచ్చిన కొణిదెల నిహారిక

Posted: 04/24/2020 05:42 PM IST

Chiranjeevi s niece niharika konidela finally opens up about wedding with prabhas

రెబెల్ స్టార్ ప్రభాస్ తో వివాహం జరగనుందంటూ వస్తున్న వార్తలను ఇప్పటికే మెగాస్టార్ చిరంజీవి ఖండించారు. అయనా ఈ వార్తలు మళ్లీ వినపించడంతో దీనిపై మెగా డాటర్‌ నిహారిక కొణిదెల స్పందించారు. తన పెళ్లి గురించి వస్తున్న వార్తలు అవాస్తమని కొట్టిపారేశారు. టాలీవుడ్‌ యంగ్‌ రెబల్‌ స్టార్‌ ప్రభాస్‌ను మెగా డాటర్‌ నిహారిక పెళ్లి చేసుకోనుందని కొంతకాలం క్రితం పలు వెబ్‌సైట్లలో వార్తలు వచ్చాయి. ఆ సమయంలో అలాంటిది ఏమీ లేదని.. ఇకపై ఇలాంటి వార్తలను ఫుల్ స్టాప్ పెట్టాలని చిరంజీవి ఘాటుగానే చెప్పేశారు.

అయితే ఇటీవల మళ్లీ అలాంటి వార్తలే చక్కర్లు కొడుతున్నాయి. ఇదే విషయాన్ని ఓ అభిమాని నిహారికనే మళ్లీ అడిగేశాడు. లాక్‌ డౌన్‌ కారణంగా షూటింగ్స్‌ లేకపోవడంతో ఇంటికే పరిమితమైన నిహారిక తాజాగా సోషల్‌ మీడియా వేదికగా అభిమానులతో ముచ్చటించారు. ఇందులో భాగంగా ఓ నెటిజన్‌.. ‘ప్రభాస్‌ని మీరు పెళ్లి చేసుకోనున్నారా?’ అని ప్రశ్నించగా.. ‘ఆ వార్తలన్ని అవాస్తవం. ప్రభాస్‌తో పెళ్లి అని వస్తున్న వార్తల్లో ఎలాంటి నిజం లేదు’ అని మరోసారి కూల్ గా చెప్పిందీ మెగా డాటర్.

‘ముద్దపప్పు ఆవకాయ్‌’ వెబ్‌ సిరీస్‌తో నటిగా 2016లో కెమెరా ముందుకు వచ్చిన నిహారిక.. అదే ఏడాది ‘ఒక మనసు’ చిత్రంతో కథానాయికగా తొలి అడుగు వేశారు. ఆ తర్వాత ఆమె ‘హ్యాపీ వెడ్డింగ్‌’, ‘సూర్యకాంతం’ చిత్రంలో నటించారు. గతేడాది విడుదలైన ‘సైరా నరసింహారెడ్డి’ చిత్రంలో నిహారిక అతిథి పాత్రలో మెప్పించారు. అయితే అమె నటిస్తున్న మరో చిత్రానికి అమె సోదరుడు మెగా ప్రిన్స్ కథను ఒకే చేశారన్న వార్తలు కూడా వినిపిస్తున్నాయి. అయితే లాక్ డౌన్ ఎత్తివేశాక.. కానీ అసలు విషయం తెలియదు.