‘ఎఫ్ 3’ సంచలన విషయాలను చెప్పిన రావిపూడి

Posted: 04/13/2020 03:50 PM IST

Anil ravipudi clarifies rumours about f2 sequel f3

ప్రస్తుతం టాలీవుడ్‌లో వరుసగా హిట్స్ కొడుతూ దూసుకెళ్తున్నాడు యంగ్ సక్సెఫుల్ డైరెక్టర్ అనిల్ రావిపూడి. 2020 సంక్రాంతి పండుగ కానుకగా సూపర్ స్టార్ మహేష్ హీరోగా తెరకెక్కిన బ్లాక్ బస్టర్ హిట్ మూవీ ‘సరిలేరు నీకెవ్వరు’తో మరొక హిట్ తన ఖాతాలో వేసుకున్నాడు. గతేడాది సంక్రాంతికి విక్టరీ వెంకటేష్, మెగా ప్రిన్స్ వరుణ్ తేజ్ హీరోలుగా తెరకెక్కిన మల్టీస్టారర్ మూవీ ‘ఎఫ్2’ తో మంచి హిట్ అందుకున్న అనిల్, ప్రస్తుతం దానికి కొనసాగింపుగా ‘ఎఫ్3’ మూవీ కథ సిద్ధం చేసే పనిలో నిమగ్నమై ఉన్నారు.

ఈ సినిమాకు సంబంధించి పలు ఆసక్తికర విషయాలను ఒక ప్రముఖ తెలుగు పత్రికకు ఇచ్చిన ఇంటర్వ్యూలో ప్రేక్షకులతో పంచుకున్నాడు అనిల్. ప్రస్తుతం తమ సొంత ఊళ్ళో ఎఫ్3 కథ సిద్ధం చేస్తున్నానని, ఈ సినిమా ద్వారా ఇటీవల బాలీవుడ్‌లో వచ్చిన ‘గోల్ మాల్’, ‘హౌస్ ఫుల్’ సినిమాల మాదిరిగా ఫ్రాంచైజీలు తీసుకురావాలనేది తన ఆలోచన అని చెప్పుకొచ్చాడు. ఇక ‘ఎఫ్2’ లోని పాత్రలే ఇందులోనూ ఉంటాయని, దానితో పాటు సినిమా ట్యాగ్‌లైన్‌లో చెప్పినట్లు ఇందులో కూడా ఫన్, ఫ్రస్ట్రేషన్ రెండూ ఉంటాయన్నారు.

వెంకటేష్ గారిని కోబ్రో అని వరుణ్ ఎందుకు పిలిచారు, అలానే వెంకటేష్ గారు వెంకీ ఆసన్ ఎందుకు వేశారు వంటి అంశాలు ఇందులో మరింత ఆసక్తికరంగా ఉండడంతో పాటు, ముఖ్యంగా ఈ సినిమా కథకు మంచి థీమ్ దొరికింది.. అయితే గత కొద్దిరోజులుగా పలు మీడియా మాధ్యమాల్లో ఈ సినిమాలో మరో హీరో కూడా నటిస్తాడని ప్రచారం జరగుతుంది. నిజానికి ఇప్పటివరకు మొదటి అర్ధ భాగం పూర్తయిన మేరకు మూడో క్యారెక్టర్ ఏమీ రాలేదు.. అయితే సెకండాఫ్ రాయడం మొదలెట్టిన తరువాత మూడవ హీరో అవసరం ఉందనుకుంటే ఆ పాత్రను చేర్చడం జరుగుతుంది అని చెప్పుకొచ్చాడు అనిల్ రావిపూడి.