అభిమానికి అపురూప కానుక అంకితమిచ్చిన చెర్రీ

Posted: 12/10/2019 09:51 PM IST

Ram charan dedicates prestigeous award to noor ahmed

మెగా అభిమాన సంఘం అధ్యక్షుడిగా అనేక సామాజిక కార్యక్రమాలను చేపట్టిన గ్రేటర్ హైదరాబాద్ మెగా స్టార్స్ ఫాన్స్ అసోసియేషన్ అధ్యక్షుడైన నూర్ అహ్మద్ ఆకస్మిక మృతితో దిగ్ర్భాంతికి గురైన మెగా పవర్ స్టార్ రామ్ చరణ్ తేజ్ దిగ్బ్రాంతికి గురయ్యారు. మెగాస్టార్ చిరంజీవి, అల్లు అర్జున్, అల్లు అరవింద్ స్వయంగా వారింటికి వెళ్లి ఆయన కుటుంబసభ్యులకు తన ప్రగాఢ సానుభూతిని వ్యక్తం చేశారు.

అయితే రామ్ చరణ్ అభిమాని కుటుంబానికి ప్రగాఢ సానుభూతి తెలియజేశారు. అంతేకాకుండా 10 లక్షల విరాళాన్ని కూడా ప్రకటించారు. తాను హైదరాబాద్ కి రాగానే అభిమాని కుటుంబాన్ని కలుస్తానని చెప్పుకొచ్చిన ఆయన ఇవాళ అభిమాని కుటుంబానికి పది లక్షల రూపాయలను అందించాడు. ఈ నేపథ్యంలో, రామ్ చరణ్ సైతం నూర్ మృతికి కదిలిపోయారు. అభిమాని అభిమానాన్ని అర్థిక సాయం ప్రకటించిన చెర్రీ.. తన అభిమానికి అపురూపమై కానుకను అందించాడు. ఏ నటుడు చేయని విధంగా తన అభిమాని అభిమానానికి హద్దులు లేవని.. తన అభిమానాన్ని కూడా అదే విధంగా చూపించాడు చరణ్.

రామ్ చరణ్ సినీ కెరీర్ లో గొప్ప మైలురాయిగా నిలిచిన రంగస్థలం చిత్రంలో నటనకు గాను 'బిహైండ్ వుడ్స్ గోల్డ్ మెడల్' పురస్కారం లభించగా, ఆ అవార్డును ఇటీవల మరణించిన నూర్ కు అంకింతం ఇస్తున్నట్టు తెలిపారు. చెన్నైలో జరిగిన ఓ కార్యక్రమంలో చరణ్ ఈ అవార్డును అందుకున్నారు. ఈ సందర్భంగా మాట్లాడుతూ, నూర్ గొప్ప వ్యక్తి అని, తనను, తన తండ్రిని ఎంతో అభిమానిస్తూ, ప్రోత్సహించేవారని కీర్తించారు. ఆయన ఇప్పుడు మనమధ్యలేరని, తనకు అవార్డు నూర్ ఇచ్చినట్టే అనిపిస్తోందని వ్యాఖ్యానించారు. మేం మిమ్మల్ని ఎంతో ఇష్టపడుతున్నాం సర్... మిమ్మల్ని మిస్సవుతున్నాం అంటూ భావోద్వేగాలకు లోనయ్యారు. దీనికి సంబంధించిన వీడియో నెట్టింట వైరల్ అవుతోంది.