ఎన్టీఆర్ బయోపిక్ షూటింగ్లో తమన్నా బిజీ..

Posted: 10/20/2018 05:54 PM IST

ఆంధ్రుల అభిమాన నటుడు, ఎన్టీఆర్ బయోపిక్ కథానాయకుడు, మహానాయకుడు అంటూ రెండు భాగాలుగా రూపొందుతోన్న విషయం తెలిసిందే. ప్రస్తుతం మొదటిభాగమైన 'కథానాయకుడు'కి సంబంధించిన సన్నివేశాలను చిత్రీకరిస్తూ వెళుతున్నారు. ఈ భాగంలో అక్కినేనిగా సుమంత్.. శ్రీదేవిగా రకుల్ కనిపించనున్నారు. ఇక జయప్రద పాత్రకోసం ఇటీవలే తమన్నాను ఎంపిక చేసుకున్నారు. తాజాగా ఆమె షూటింగులో కూడా పాల్గోంటున్నట్లు వార్తలు అందుతున్నాయి.

'అడవిరాముడు' .. 'సూపర్ మేన్' .. 'యమగోల' తదితర చిత్రాలు ఎన్టీఆర్ - జయప్రద కాంబినేషన్లో ఘన విజయాలను సాధించాయి. ఈ సినిమాలకి సంబంధించి ఎన్టీఆర్ బయోపిక్ లో ఒకటి రెండు సన్నివేశాలకు .. ఒక సూపర్ హిట్ సాంగ్ కు చోటుదక్కినట్టు చెబుతున్నారు. జయప్రద పాత్రలో తమన్నా ఎలా ఒదిగిపోనుందో .. ఏ సూపర్ హిట్ సాంగ్ కి స్టెప్స్ వేయనుందో తెలియాలంటూ సినిమా విడుదలయ్యే వరకు వేచిచూడాలి. కాగా, ఈ సినిమాను  సంక్రాంతికి  ప్రేక్షకుల ముందుకు తీసుకురానున్నట్లు చిత్రనిర్మాణ వర్గాలు ఇప్పటికే ప్రకటించాయి.