తాలిబన్లపై మండిపడ్డ మలాలా.. తనను చంపేయాలన్న సత్యార్థి

Posted: 12/17/2014 07:50 AM IST

Peshawar school attack malala kailash satyarthi comments

పాకిస్థాన్ లోని పెషావర్ సైనిక పాఠశాలపై దాడి పట్ల నోబెల్ అవార్డు గ్రహీత కైలాష్ సత్యార్థి మండిపడ్డారు. ఈ దాడి తన జీవితంలోనే అత్యంత విషాద దుర్ఘటనగా చెప్పారు. కావాలంటే ‘నన్ను చంపండి కానీపిల్లలను మాత్రం వదిలేయండి’ అని సత్యార్థి విజ్ఞప్తి చేశారు. ఉగ్రవాదులు పిల్లలను టార్గెట్ చేసుకోవటం సరికాదన్నారు. అటు నోబెల్ అవార్డు గ్రహిత, బాలిక విద్యా కార్యకర్త మలాలా ఈ దుర్ఘటనపై విచారంవ్యక్తం చేశారు. తాలిబన్ల దాడిపై ఆమె ఆగ్రహం వ్యక్తం చేశారు. ఉగ్రవాదులది పిరికి చర్య అని మండిపడ్డారు. తాలిబన్ల పిరికి చర్యలకు పాక్ విద్యార్థులు భయపడరని చెప్పారు.

అటు తాలిబన్ల దాడిని ఖండించిన ప్రధాని నరేంద్రమోడి.., ఉగ్రదాడిలో చిన్నారులు మృతి చెందటం విచారకరమన్నారు. ఇది క్రూరమైన దాడిగా సంతాపం వ్యక్తం చేశారు. ఈ దాడిపై పాక్ ప్రధానితో ఫోన్లో మోడి మాట్లాడారు. అటు పాక్ విద్యార్థుల మృతికి సంతాపంగా దేశంలోని పాఠశాలల విద్యార్థులంతా ఇవాళ రెండు నిమిషాల పాటు మౌనం పాటించి సంతాపం తెలపాలని కోరారు. ఉగ్రవాద దాడిలోమంగళవారం రాత్రి వరకు 168మంది విద్యార్థులు చనిపోయినట్లు పాక్ ప్రభుత్వం తెలిపినా.., ఈ సంఖ్య మరింత పెరిగే అవకాశం ఉంది. అటు మృతుల కుటుంబాలకు రూ.5లక్షలు, గాయపడిన వారికిరూ.2లక్షల పరిహారం చొప్పున పాక్ ప్రకటించింది.

కార్తిక్