పిల్లల్ని కాపాడుతున్న మణి‘హారం’

Posted: 12/15/2014 01:33 PM IST

సాంకేతిక పరిజ్ఞానం రోజురోజుకూ కొత్త పుంతలు తొక్కుతోంది. ఒకప్పుడు జ్వరం వచ్చినా తెలుసుకునేందుకు రోజుల సమయం పట్టేది. ఇప్పుడు మాత్రం వ్యాధి రాకముందే.. హెచ్చరికలు చేసి నివారణ చర్యలు చేపట్టే స్థాయికి ఎదిగాము. చిన్న పిల్లలకు రోగ నిరోదక శక్తి చాలా తక్కువ. వీరిని త్వరగా దరిచేరే బ్యాక్టీరియా, వైరస్ లు రోగాలను వ్యాపింపచేసి ఇబ్బందులు కల్గిస్తాయి. వ్యాదులు వచ్చినప్పుడు పిల్లలకు మందులు వేయటం సాధారణమే. కాని ప్రతిసారి పిల్లలకు ఏం మందులేశారు అంటే చెప్పలేము. అలాంటి వారి కోసమే వచ్చింది ‘ఖుషీ నక్లెస్’

యేల్ యునివర్సిటీ విద్యార్థులు ప్రాజెక్టు వర్క్ లో భాగంగా ‘ ప్రస్తుత అభివృద్ది చెందుతున్న ప్రపంచచానికి సరైన సాంకేతి పరిజ్ఞానం’ అనే అంశంపై అనేక ప్రాజెక్టులు సమర్పించారు. ప్రస్తుతం చిన్నపిల్లలపై ప్రయోగాత్మకంగా పరిశీలిస్తున్నారు. అందులో కొంతమంది విద్యార్థులు ఈ హారంను తయారు చేశారు. కేవలం ప్లాస్టిక్ కవర్ తొడిగి ఉండే ఈ హారంలో కంప్యూటర్ చిప్ ఉంటుంది. ఇందులో పిల్లలకు సంబంధించిన డిజిటల్ సమాచారమంతా నిక్షిప్తమై ఉంటుంది.

పిల్లల ఆరోగ్య వివరాలు, వేయించుకున్న టీకాలు, వ్యాక్సినేషన్ ఇతర సమాచారమంతా చిప్ లో నిక్షిప్తం అయిపోతుందని చెప్తున్నారు. వీటిని డాక్టర్లు పరిశీలించేందుకు ప్రత్యేకంగా యాప్ ను రూపొందించారు. ఈ యాప్ కూడా చాలా ప్రత్యేకం. ఎందుకంటే దీన్ని ఉపయోగించేందుకు ఇంటర్నెట్ అవసరం లేదట. పిల్లల మెడలో ఈ హారం ఉంటే వారికి శ్రీరామ రక్ష ఉన్నట్లే అని ప్రస్తుతం లాకెట్ వాడుతున్న పిల్లల తల్లితండ్రులు అంటున్నారు.

 

కార్తిక్