ఇండస్ట్రీ కోసం వేట మొదలు పెట్టిన సీఎం

Posted: 12/15/2014 07:26 AM IST

తెలంగాణలో సినిమా ఇండస్ట్రీ పెట్టాలని దృడ నిశ్చయంతో ఉన్న ముఖ్యమంత్రి కేసీఆర్, ఇందుకు సంబంధించిన కార్యక్రమాలను వేగవంతం చేశారు. ఫిలింసిటీ పెట్టాలని ప్లాన్ చేస్తున్న రాచకొండ గుట్టల్లో ఏరియల్ సర్వే నిర్వహించనున్నారు. నల్గొండ, రంగారెడ్డి జిల్లాల సరిహద్దుల్లో ఉన్న ఈ గుట్టలపై ఏరియల్ సర్వేలో మంత్రులు జగదీష్ రెడ్డి, మహేందర్ రెడ్డిలతో పాటు సీఎస్ రాజీవ్ శర్మ కూడా పాల్గొంటారని ప్రభుత్వ వర్గాలు తెలిపాయి.

టాలీవుడ్ ఇండస్ట్రీ హైదరాబాద్ ను వీడదు అని పరిశ్రమ పెద్దలు ప్రకటించినా.., కేసీఆర్ కొత్తగా ఫిలిం సిటీ నిర్మించాలనుకోవటంలో ఆంతర్యం అర్థం కావటం లేదు. ఇండస్ట్రీని కళ్ళలో పెట్టుకుని చూసుకుంటామన్న సీఎం.., కొత్త పరిశ్రమకోసం తహతహలాడటంపై అనేక అనుమానాలు వస్తున్నాయి. అయితే సీఎం ఏం చేస్తారో చూసి అప్పుడు స్పందిస్తామని ‘మా’ వర్గాలు చెప్తున్నాయి.

 

కార్తిక్