మోడి కంటే వారు అంత గొప్పనా....?

Posted: 12/11/2014 07:27 AM IST

ఏటా ప్రతిష్టాత్మకంగా ప్రచురించే టైమ్స్ పర్సన్ ఆఫ్ ది ఇయర్ ఫొటో విడుదల అయింది. ఎబోలా  ఫైటర్స్ ను టైమ్స్ పర్సన్ ఆఫ్ ది ఇయర్ గా ప్రకటిస్తూ టైమ్స్ మ్యాగజైన్ కవర్ పేజీపై ఫోటోనుప్రచురించింది. ఆఫ్రికాలో ప్రారంభమై ప్రపంచ దేశాలను వణికిస్తున్న వైరస్ బారిన పడి వేల మంది ప్రజలు ప్రాణాలు కోల్పోయారు. వీరిని రక్షించేందుకు వైద్యం చేసి ప్రతిఫలంగా చాలామంది డాక్టర్లు ఈవైరస్ బారిన పడ్డారు. అలా వైరస్ బారిన పడి బ్రతికిన డాక్టర్లు, నర్సుల ఫోటోను కవర్ పేజిపై ప్రచురించింది. ఎబోలా ఫైటర్స్ చేస్తున్న సేవలు, వారి ధైర్యంను టైమ్స్ ప్రశంసించింది.

టైమ్స్ పర్సన్ ఆఫ్ ది ఇయర్ రేసులో రెండ్రోజుల క్రితం వరకు ముందున్న మోడి.., టైటిల్ గెలుచుకోలేకపోయారు. అయితే అత్యధిక రీడర్లను పొందిన వ్యక్తిగా ప్రధాని నిలిచారు. టైటిల్ ను మోడికి కాకుండాఎబోలా ఫైటర్స్ కు ఇవ్వటంపై బీజేపీ నేతలు, ఆయన ఫ్యాన్స్ అసంతృప్తి వ్యక్తం చేస్తున్నారు. ఎబోలా ఫైటర్స్ దేశాన్ని కాపాడే మోడికంటే గొప్పా అని ప్రశ్నిస్తున్నారు. కాని మిగతా వర్గం మాత్రం టైమ్సనిర్ణయం సరైనదే అని చెప్తోంది.

 

కార్తిక్