ప్రతి ఒక్కరికి ఒక దత్త పుత్రిక...!!

Posted: 12/10/2014 11:22 AM IST

గౌరవనీయులైన ఆంధ్ర ప్రదేశ్ ముఖ్య మంత్రి చంద్ర బాబు నాయుడు రోజుకో సరిక్రొత్త ఆలోచన చెప్తున్నారు. ఇక ఎం పి టి సి మొదలుకొని ఎం పి ల వరకు ప్రతి ఒక్కరు వాళ్ళకు నచ్చిన ఒక్కో గ్రామాన్ని దత్తత తీసుకోవాలంట..!! ఈ వినూత్న పథకాన్ని సంక్రాంతి నుండి మొదలు పెట్టబోతున్నారు. సామాజిక భాద్యత గా ఖర్చు పెడుతున్న కార్పోరేట్ సంస్థలు, ఎన్ ఆర్ ఐ లో కొన్ని గ్రామాలను దత్తత తీసుకోవాలని చెప్పారు. అంతే కాకుండా సినీ రంగం లోని ప్రముఖులు ఏదో ఒక గ్రామాన్ని దత్తతగా స్వీకరించాలని వాళ్ళు తీసుకోగా.., మిగిలిన గ్రామాలను ఐ ఏ ఎస్.., ఐ పి ఎస్ ఇతర కేంద్ర సర్వీస్ అధికారులకు కేటాయిస్తామని తెలిపారు.

వాళ్ళు కేవలం దత్తత తీసుకోవటమే కాకుండా ఆ దత్తత తీసుకున్న గ్రామంలో భద్రత, పాలన, మానవ హక్కుల పరిరక్షణ, అభివృద్ధి, బాల్య వివాహాలు లేకుండా చేయటం లాంటి కార్యక్రమాలను స్వయంగా ఎప్పటికప్పుడు పర్యవేక్షిస్తూ ఉండాలని సూచించారు. సదరు గ్రామానికి వచ్చే వనరులన్నిటిని ఎలా ఖర్చు పెడితే అభివృద్ధి జరుగుతుందో అది చూసే బాధ్యతను దత్తత తీసుకున్నవారి సమక్షంలో గ్రామాలే నిర్ణయించుకునేలా ప్రోత్సహిస్తామని చెప్పారు. తప్పని సరిగా ఆ పల్ల్లెను దత్తత తీసుకున్నవారు నెలలో కొన్ని రోజులు అక్కడ కేటాయించేలా చూసుకోవాలని సూచించారు.

హరి