టీవీ షోలపై రాజ్యసభలో రచ్చరచ్చ

Posted: 12/09/2014 05:56 PM IST

Rajyasabha serious on big boss other realty shows

టీవీ ఛానెళ్లలో ప్రసారం అవుతున్న రియాలిటీ షోలపై రాజ్యసభ ఆగ్రహం వ్యక్తం చేసింది. టీవీ షోల్లో వచ్చే కార్యక్రమాలు అసభ్యంగా, అమర్యాదకరంగా ఉంటున్నాయని సభ్యులు మండిపడ్డారు. చిన్న చిన్న బట్టలు వేసుకుని డాన్సులు చేస్తున్న కార్యక్రమాలు ప్రసారం అవుతున్నాయని వీటి వల్ల యువత చెడిపోయే అవకాశం ఉందని ఆందోళన వ్యక్తం అయింది. విపక్షాల ఆరోపణలపై సమాధానం ఇచ్చిన కేంద్ర సమాచార శాఖ సహాయ మంత్రి రాజ్యవర్ధన్ సింగ్ రాథోడ్ ఇలాంటి కార్యక్రమాలపై చర్యలు తీసుకునేందుకు ప్రత్యేక వ్యవస్థ ఉందన్నారు.

చానెళ్ళలో వస్తున్న కార్యక్రమాలపై ఫిర్యాదు చేసేందుకు టీవీ షో ప్రసారం అయ్యే సమయంలో ప్రత్యేక ఫోన్ నంబర్ డిస్ ప్లే అవుతుందన్నారు. దీంతో పాటు తమ పరిశీలన ద్వారా కూడా చర్యలు తీసుకుంటామన్నారు. ఇందుకోసం సమాచార శాఖకు ప్రత్యేక సెల్ ఉందని వివరించారు. చానెళ్లపై పర్యవేక్షణ కోసం ఏకకాలంలో 15వందల టీవీ ఛానెల్స్ వీక్షించే మీడియా మానిటరింగ్ సెంటర్ ఉందన్నారు. కార్యక్రమాల్లో అసభ్యత, నిబందనల ఉల్లంఘన ఉన్నట్లు తేలితే కఠిన చర్యలు తీసుకుంటామని మంత్రి చెప్పారు.

కార్తిక్