ఈ రోజుకు రెండు స్పెషాలిటీలున్నాయ్.. అదేమంటే..?

Posted: 12/09/2014 08:19 AM IST

December 9th telangana state announced sonia gandhi birthday

ఇవాళ్టి తేది (డిసెంబర్9)కి రెండు ప్రత్యేకతలు ఉన్నాయి. రెండు రాజకీయ, ప్రజా సంబంధ అంశాలే కాక.., దేశాన్ని ప్రభావితం చేసే అంశాలు కావటం విశేషం. అందులో మొదటిది తెలంగాణ ప్రక్రియ ప్రకటన దినం. 2009లో కేసీఆర్ దీక్ష, తర్వాతి పరిణామాల నేపథ్యంలో దిగివచ్చిన ఢిల్లీ సర్కారు, తెలంగాణ ప్రక్రియను ప్రారంభిస్తున్నట్లు తెలిపింది. గత ప్రభుత్వంలో మంత్రి హోదాలో ఉన్న చిదంబరం, ప్రభుత్వం తరపున ఈ ప్రకటన చేశారు. ఆ రోజు నుంచి అధికారికంగా తెలంగాణ ఏర్పాటు ప్రక్రియ ప్రారంభమైంది. పార్టీలతో చర్చలు, సంప్రదింపులు, ఆందోళనల మద్య చివరకు రాష్ర్టం ఏర్పడింది.

ఇక రెండవది, కాంగ్రెస్ అధినేత్రి సోనియా పుట్టినరోజు ఇవాళ. దేశంలోనే కాక, ప్రపంచంలోనే శక్తివంతమైన మహిళగా ఎదిగిన సోనియా, యూపీఏ ప్రభుత్వ చైర్ పర్సన్ గా కీ రోల్ ప్లే చేసింది. ఈమె పుట్టినరోజు సందర్బంగానే తెలంగాణ రాష్ట్ర ఏర్పాటుపై ప్రకటన వచ్చిందని కాంగ్రెస్ నేతలు చెప్పుకుంటున్నారు. దీన్ని పురస్కరించుకుని తెలంగాణ కాంగ్రెస్ నేతలు ఇవాళ ఘనంగా తెలంగాణ ప్రకటన దిన వేడుకలు నిర్వహించేందుకు ఏర్పాట్లు చేసుకుంటున్నారు. అయితే జమ్మూలో ఉగ్రవాదుల కాల్పుల నేపథ్యంలో పుట్టినరోజు వేడుకలకు సోనియా దూరంగా ఉన్నారు.

కార్తిక్