నెల్లూరు జిల్లాలో వింత శిశువు మృతదేహం లభ్యం..

Posted: 12/04/2014 06:18 PM IST

నవ్యాంధ్రలోని నెల్లూరు జిల్లాలో వింత చోటు చేసుకుంది. గ్రహాంతరవాసిదిగా భావిస్తున్న ఓ మృతదేహాన్ని ప్రజలు కనుగొన్నారు. జిల్లా కేంద్రంలోని సండేమార్కెట్‌ దగ్గర, సాయిబాబా ఆలయానికి సమీపంలో అతి చిన్న శిశువు మృతదేహం లభ్యమైంది. ఈ శిశువు మృతదేహంపై స్థానికులు కథలు కథలుగా కథనాలు ప్రచారం చేస్తున్నారు. మనిషి ఆకారంలో వుండటంతో ఇది మనుషులకు సంబంధించిన శిశువు మృతదేహమేనని కొందరు అంటున్నారు. అయితే గర్భం సరిగా దాల్చకపోవడంతో శిశువు చిన్నగా వుండి వుండవచ్చునన్న కథానాలు ప్రచారంలో వున్నాయి.

ఈ మృతదేహం రెండు అంగుళాల పొడవు, వింత ఆకారం చూసేందుకు మనిషిని పోలిన విధంగా ఉండటంపై ప్రజలు విస్తుపోయారు. ఏలియన్స్‌ అంటూ ప్రచారం జరగడంతో భారీగా ప్రజలు గుమిగూడారు. తమ సెల్ ఫోన్ లలో ఆ వింత శిశువు మృతదేహాన్ని చిత్రీకరించుకునేందుకు స్థానికులు పోటీ పడుతున్నారు. దీనిపై సమాచారం అందుకున్న పోలీసులు శిశువును భద్రపర్చి వైద్య పరీక్షల నిమిత్తం తరలిస్తున్నారు.

జి. మనోహర్