ఒక్క వ్యక్తి.., రెండు రాష్ర్టాలు.., రెండు జెండాలు

Posted: 12/04/2014 07:28 AM IST

రిపబ్లిక్ డే రోజున తెలుగు రాష్ర్టాల గవర్నర్ నరసింహన్ ఎక్కడ జెండా ఎగరవేస్తారనే విషయంపై సందిగ్దత వీడింది. రెండు రాష్ర్టాల్లో జెండా ఎగురవేయాలని నరసింహన్ డిసైడ్ అయ్యారు. రెండు గంటల వ్యవధిలో రెండు రాష్ర్టాల్లో జెండా ఎగురవేస్తారని గవర్నర్ కార్యాలయ వర్గాలు వెల్లడించాయి. ఉమ్మడి గవర్నర్ గా ఉన్నందునే రెండు రాష్ర్టాలకు సమ ప్రాధాన్యత ఇస్తున్నట్లు రాజ్ భవన్ వర్గాలు వెల్లడించాయి. అయితే హైదరాబాద్ లో జెండా ఎగరేసి ఏపికి వెళతారా లేక.., విజయవాడకు వెళ్ళి అక్కడినుంచి తెలంగాణకు వస్తారా అనే విషయాన్ని బయటకు చెప్పలేదు.

రెండు రాష్ర్టాల్లో జెండా ఎగరవేయటంతో పాటు.., ప్రజలను ఉద్దేశించి ప్రభుత్వం తరపున ప్రసంగిచాల్సి ఉంటుంది. ఈ నేపథ్యంలో తెలంగాణ, ఏపీ తరపున ఎలా ప్రసంగిస్తారనే ఆసక్తి నెలకొంది. ఉమ్మడి ఏపీకి చివరి, విభజన తర్వాత రెండు రాష్ర్టాల తొలి గవర్నర్ నరసింహన్ తెలుగు రాష్ర్టాల విషయంలో తనదైన గుర్తింపు తెచ్చుకున్నారు. పాలనతో పాటు.., ప్రభుత్వ వ్యవహారాల జోక్యం, రాష్ర్ట విభజన అంశం సమయంలో కీలకంగా వ్యవహరించారు.

 

కార్తిక్