నైజిరియాలో గుంటూరు జిల్లా వ్యక్తి కిడ్నాప్

Posted: 12/03/2014 07:25 AM IST

Guntur district telugu nri srinivasa rao kidnap nigeria pakistanis

గుంటూరు జిల్లాకు చెందిన శ్రీనివాసరావు నైజిరియాలో కిడ్నాప్ అయ్యాడు. బాధితుడి తల్లితండ్రుల సమాచారం ప్రకారం., దుగ్గిరాల మండలం చింతలపూడికి చెందిన టంగుటూరి శ్రీనివాసరావు (26) కొద్దికాలంగా నైజీరియాలోని ఎన్నెగూవ పట్టణంలో ఓ కంపనీలో అకౌంటెంట్ గా పనిచేస్తున్నాడు. విధులు ముగించుకున్న తర్వాత హోటల్ కు చేరుకున్న శ్రీనివాసరావును గత బుధవారం రాత్రి దుండగులు కిడ్నాప్ చేసినట్లు కంపనీ యాజమాన్యం తల్లితండ్రులకు తెలిపింది. శ్రీనివాస్ తో పాటు ఇద్దరు పాకిస్థానియులను కూడా కిడ్నాప్ చేసిందని వారు వెల్లడించారు.

అయితే కిడ్నాపర్ల నుంచి ఇప్పటి వరకు ఎలాంటి డిమాండ్లు రాలేదనీ.. ఎలాగైనా బంధీలను విడిపిస్తామని కంపనీ యాజమాన్యం భరోసా ఇచ్చింది. కానీ.., కిడ్నాప్ అయి వారం రోజులు అవుతున్నా., ఇఫ్పటివరకు ఎలాంటి పురోగతి లేదు. దీంతో శ్రీనివాసరావు కుటుంబీకులు కన్నీరుమున్నీరవుతున్నారు. తమ అబ్బాయిని విడిపించేలా చొరవ తీసుకోవాలని కేంద్ర, రాష్ర్ట ప్రభుత్వాలను కోరుతున్నారు. శ్రీనివాసరావు పంపించే డబ్బులపైనే కుటుంబం గడుస్తోంది. త్వరలోనే బాధితుడికి వివాహం కూడా జరగనుంది. ఇందుకోసం ఈ మద్యే వచ్చి నిశ్చితార్ధం చేసుకుని వెళ్లగా అంతలోనే ఇలా జరగటంతో శ్రీనివాసరావు కుటుంబంతో పాటు.., చింతలపూడి గ్రామంలో విషాదం అలముకుంది.

కార్తిక్