హైదరాబాద్ లో ఎబోలా వైరస్ కలకలం ?

Posted: 12/02/2014 07:53 AM IST

తెలుగు రాష్ర్టాల ఉమ్మడి రాజధాని హైదరాబాద్ లో ప్రాణాంతక ఎబోలా వ్యాధి అనుమానిత వైరస్ కలకలం రేపుతోంది. నగరానికి చెందిన ఓ వ్యక్తికి ఎబోలా లక్షణాలు ఉన్నట్లు గాంధీ ఆస్పత్రి వర్గాలు అనుమానిస్తున్నాయి. శ్రీనగర్ కాలనీకి చెందిన ఓ వ్యక్తి వారం రోజులుగా జ్వరంతో బాధపడుతున్నాడు. స్థానిక డాక్టర్లను సంప్రదించినా.., ఎంతకూ తగ్గకపోవటంతో నాలుగు రోజుల క్రితం గాంధీ ఆస్పత్రిలో చేరాడు. అక్కడ డాక్టర్లు చికిత్స చేసినా నయంకాలేదు. దీతో పేషంట్ కు స్వైన్ ఫ్లూ లేదా ఎబోలా వ్యాధి ఉండవచ్చని భావిస్తున్నారు.

బాధితుడు నైజిరియాలో పనిచేసి కొద్ది రోజుల క్రితమే హైదరాబాద్ కు తిరిగి వచ్చాడు. ఈ నేపథ్యంలో ఆఫ్రికా దేశాల్లో తీవ్రంగా ఉన్న ఈ వ్యాధి ఇతడికి కూడా సోకి ఉండవచ్చని భావిస్తున్నారు. తమ అనుమానాలను నివృత్తి చేసుకునేందుకు రోగి రక్త నమూనాలను ఢిల్లీకి పంపారు. పరీక్షల ఫలితం వస్తే గాని వ్యాది నిర్ధారణ చేయలేమని డాక్టర్లు చెప్తున్నారు. అయితే ముందస్తు జాగ్రత్త చర్యలు మాత్రం తీసుకుంటున్నారు. హైదరాబాద్ వ్యక్తికి ఎబోలా లక్షణాలు ఉన్నాయన్న వార్త నగరంలో కలకలం రేపుతోంది.

 

కార్తిక్