మావోల ఘాతుకంపై నేతల ఘాటు స్పందన

Posted: 12/02/2014 07:25 AM IST

Rajnath singh condemns maoist chhattisgarh crpf jawans attack

ఛత్తీస్ గఢ్ లో మావోల దాడిపై కేంద్రం సీరియస్ అయింది. 13మంది సీఆర్పీఎఫ్ జవాన్లను పొట్టబెట్టుకున్న ఈ దుర్ఘటనపై కేంద్ర హోమంత్రి రాజ్ నాథ్ సింగ్ తీవ్రంగా స్పందించారు. మావోల దాడి అత్యంత హేయమైన చర్యగా పేర్కొన్నారు. ఉద్యమం ముసుగులో పిరికి చర్యలకు పాల్పడుతున్నారని విమర్శించారు. దాడిపై ఛత్తీస్ గఢ్ సీఎం, డీజీపీలను వివరాలు అడిగి తెలుసుకున్నారు. మృతుల కుటుంబాలకు ప్రగాఢ సానుభూతి తెలిపారు.

అటు సుకుమా జిల్లాలోని దాడి జరిగిన చింతగుంఫా ప్రాంతాన్ని రాజ్ నాధ్ సింగ్ ఇవాళ పరిశీలించనున్నారు. సోమవారం రోజు మావోలు జరిపిన దాడిలో 13మంది దుర్మరణం చెందారు. జార్ఖండ్ ఎన్నికల నేపథ్యంలో అంతా ఆ రాష్ర్టంలో దాడి చేస్తారని భావించారు. అయితే ఊహించని విధంగా.., పక్కా వ్యూహంతో పొరుగున ఉన్న చత్తీస్ గఢ్ లో పంజా విసిరారు. జవాన్లు తేరుకునేలోపు మూకుమ్మడి దాడి చేసినట్లు ప్రత్యక్ష సాక్షులు చెప్తున్నారు. ఇవాళ్టి నుంచి మావోల అమరవీరుల వారోత్సవాలు జరగనున్నాయి.

కార్తిక్