ప్లాన్ ఒకరిది.., పని మరొకరిది, ఫలితం ఏపీది

Posted: 12/01/2014 04:19 PM IST

నవ్యాంధ్ర రాజధాని నిర్మాణ ఫార్ములాను ఏపీ సీఎం చంద్రబాబు నాయుడు ప్రకటించారు. కొత్త రాజధానికి సింగపూర్ ప్రణాళిక అందిస్తుందన్నారు. అదేవిధంగా జపాన్ కంపనీలు నిర్మాణం చేపడుతాయని చెప్పారు. జపాన్ పర్యటనలో భాగంగా ప్రముఖ నిర్మాణ కంపనీలు తమ బృందంను కలిసి రాజధానికి అవసరమైన భవనాల నిర్మాణంకు ముందుకు వచ్చాయని తెలిపారు. అటు సింగపూర్ పర్యటన సమయంలో అక్కడి కంపనీలు, ప్రభుత్వం మాస్టర్ ప్లాన్ తయారు చేసి ఇచ్చేందుకు సూత్రప్రాయంగా అంగీకరించాయన్నారు.

ప్రపంచంలో టెక్నాలజి, డెవలెప్ మెంట్ పరంగా దిగ్గజాలుగా ఉన్న రెండు దేశాల తెలివితో కలిసి నిర్మించబడే ఏపీ రాజధాని అత్యుత్తమ నగరంగా రూపొందుతుందని విశ్వాసం వ్యక్తం చేశారు. సింగపూర్ వాణిజ్య మంత్రి ఈశ్వరన్ ఈ నెలలో భారత పర్యటనకు వస్తారనీ.., ఈ సమయంలో రాజధాని నిర్మాణ సాయం ఒప్పందంపై తుది నిర్ణయం జరుగుతుందన్నారు. రాజధాని నిర్మాణం విషయంలో ఉన్న ఇబ్బందులు త్వరలోనే తొలగుతాయని చంద్రబాబు విశ్వాసం వ్యక్తం చేశారు.