పవన్ చెప్పినట్లే శ్రీజ కోలుకుంది

Posted: 12/01/2014 11:25 AM IST

గత నెలలో ఖమ్మంలో ఓ అమ్మాయిని కలిసిన పవన్.., భావోద్వేగంతో కన్నీరు పెట్టిన విషయం అందరికి తెలిసిందే. ప్రాణాంతక వ్యాధి ముదిరి ఆరోగ్యం విషమించిన చిన్నారిని పవన్ కలవటంతొ పాటు కుటుంబ సభ్యులకు గుండెధైర్యం ఇచ్చాడు. అనూహ్యంగా ఆదివారం రోజు శ్రీజ 13వ పుట్టినరోజు వేడుకను ఆస్పత్రి వర్గాలు ఘనంగా నిర్వహించాయి. పవన్ కలిసిన సమయంలో కోమాలో ఉన్న అమ్మాయి.., లేచి నడవటంతో పాటు, మాట్లాడటంతో మీడియాతో పాటు ప్రజలూ ఆశ్చర్యం వ్యక్తం చేశారు. ‘నా పేరు శ్రీజ, డీఏవి స్కూల్ లో 7వ తరగతి చదువుతున్నాను’ అని పాప మాట్లాడింది.

శ్రీజ ఆరోగ్యంపై మీడియాతో పాటు ఇతరులు తరుచుగా వాకబు చేస్తుండటంతో ఆమె పుట్టినరోజును జరిపి, మాట్లాడించామని డాక్టర్ అసాధారణ్ తెలిపారు. ప్రస్తుతం శ్రీజ నడవటంతో పాటు సొంతంగా ఆహారం కూడా తీసుకుంటోంది. ‘ఎక్యూట్ డిస్సెమినేటెడ్ ఎన్సెఫలోమైలైటిస్’తో బాధపడుతున్న శ్రీజ పవన్ ను చూడాలిని ఉందని చెప్పటంతో.., మేక్ ఏ విష్ ఫౌండేషన్ ద్వారా విషయం తెలుసుకున్న పవన్, ఖమ్మం వెళ్లి ఆమెను కలిశాడు. ఈ సందర్బగా అమ్మాయి స్థితిని చూసి చలించి కన్నీళ్ళు పెట్టుకున్నాడు. వైద్య సాయంపై డాక్టర్లను ఆరా తీయటంతో పాటు కుటుంబ సభ్యులకు భరోసా ఇచ్చాడు. అమ్మాయి కోలుకుంటుందనీ అప్పుడు తాను మళ్ళీ వచ్చి చూస్తానని చెప్పారు. పవన్ చెప్పినట్లే శ్రీజ కోలుకుంది., మరి ఇచ్చిన మాటను పవర్ స్టార్ ఎప్పుడు నిలబెట్టుకుంటాడో అని అభిమానులు ఎదురుచూస్తున్నారు.